Palaaway nga uyab

Dear Papa Joe,

Kumusta? Hinaut pang mabasa nimo ang akong poblema kay naglibog na kaayo ko sa akong buhaton. Ako si Amara, 25 years old, nagtrabaho isip secretary sa usa ka kompaniya dinhi sa Cebu.

Ang akong patambagan nimo bahin sa akong uyab nga palaaway kaayo. Inig kasuko na gani grabe kaayog baba, super kayawyawan ug murag babaye gyud og baba. Unya ra ba kon dili ko motingog ug motubag niya kay ako ray mauwaw sa mga tawo nga makadungog sa among lalis. Bisag naa taliwa sa karsada iya kong siyagitan, unya kondili nako tubagon mosamot ug kasuko. Di gyud siya maulaw mag eskandalo sa publikong lugar.

Love nako siya. Mao gani ni last mig almost 5 years nga puros away lang. Akong mga ka officemates nitambag nako nga mangita na lang lain kay daga pa kuno ko ug duna pay makit-ang dili sama sa akong uyab karon. Naglibog gyud ko kay love man nako siya ug buotan man sab siya nako basta di lang mi mag-away.

AMARA Dear Amara,

Unang rason sa pag uyab-uyab kay para masuta nimo daan ang lalake nga imong minyuan, Ikaduha love ninyo ang usag-usa ug duna moy damgo sa inyong ugma. Kamo may nagkuyog-kuyog anang imong uyab, ikaw mismo dapat nakahibawo ug duna ba niining mga criteria ang imong uyab. Single paman ka ug bata pa kaayo, duna pay dakong oportunidad para magpili sa lalake nga imong gusto, kanang wala kay daghang reklamo.

Pero sa gikaingon nimo nga ni last mog almost 5 years kay love nimo siya and vice versa. In this case, siguro you need more time pa gyud para mailhan ang usag-usa ninyo. Mag-estorya mong duha ug unsaon pag adjust ang inyong mga batasan, labina gyud ang pag control sa temper sa imong uyab. Kana lang.