MITABON OG YUTA MAO DIAY GITIPI
Aduna’y giandam ang Department of Social Welfare and Development (DSWD) 7 nga family food packs ug nagkadaiyang non-food items aron ipang-apud-apod unya sa mga pamilya nga naapektohan sa Bagyong Ompong.
Mokabat usab sa 78,381 o nagkantidad og P28.2 milyones ang FFD nga gigahin sa lalawigan sa Sugbo, Bohol, Negros Oriental ug sa Siquijor.
Ang warehouse sa Bohol anaa’y 1,080 FFPs nga nagkantidad og P321,246; regional warehouse sa Sugbo aduna’y 7,489 FFPs nga nagkantidad og P2.6 milyoes; samtang ang Negros Oriental warehouse anaa’y 8,981 FFP nga nagkantidad og P3.2 milyones.
Mokabat 51,098 ka FFPs usab ang anaa sa Visayas Disaster Response Center sa dakbayan sa Mandaue diin nagkantidad kini og P18.3 milyones.
Ang DSWD 7 nihatag na daan og FFPs sa local government units ug Social Welfare and Development (SWAD) satellite offices sa Bohol diin sumatotal moabot ni sa 9,743 ka packs.
Matag food pack anaa kini 6 ka kilo nga bugas, upat ka sardinas, upat ka canned meat ug unom kabuok kape nga nagkatidad og P360.
Samtang ang non-food items naglakip sa family kit – 1,470 packs; dignity kit – 950 packs; dining utensils – 775 packs; hygiene pack – 200 packs; sleeping kit – 580 packs; blanket (assorted) – 2,660 pcs; malong (assorted) – 72,452 pcs, mats – 3,890 pcs,; ug mosquito net – 4,005 pcs.
Aduna usa’y standby fund ang DSWD 7 nga P1.4 milyones.
Niadto pang Biyernes gi-activate sa DSWD 7 ang ilang Quick Response Team diin 24/7 kini nga nag monitor ug naghatag og assistance sa nagkinahanglan.
Padayon usab nga nanawat ang DSWD 7 og volunteers nga motabang pag-repack sa food packs sa VDRC.
AIRPORT ANDAM
Samtang ang Mactan-Cebu International Airport Authority ug GMR Megawide Cebu Airport Corporation, uban sa stakeholders, nangandam usab sa posibleng epekto sa bagyo.
Inay lima ka oras, usa lang ka oras ang ilang pagtak-op kagahapon samtang way pagtak-op sa runway karong adlawa panagana nga dunay diversion sa flights sa mga abyon sa mga airport nga apektado sa bagyong Ompong. labina sa Luzon.
Nag-andam usab silag holding area sa mga pasahero nga ma-stranded kon duna may panginahanglan.
Gawas niini, dunay usab silay giandam nga mga gamit, lakip na alang sa mga bata.
Matod sa GMCAC sa ilang press statement, ang ilang giandam nga mga gamit nga “case-to-case” basis lang mao ang mosunod:
- 7000 bottles sa mainom nga
tubig
- 100 baby diapers matag size
(S, M, L)
- 600 hygiene kits nga naglakip sa tsinelas, toothbrush, toothpaste, hairbrush ug sabon. o 600 sleeping mats (apan gikinahanglan itugyan ang ID) o 600 blankets (gikinahanglan ituguyan ang ID). Nagbutang usab sila og Incident Management Center sa Terminal 2.