ANAK GASA SA GINUO

Ang paghimugso og masuso maghatag og tumang kalipay sa inahan ug sa iyang kapikas.

Mas mosamot ang kalipay sa inahan kon mabati na niini ang hilak sa bata sa dayong gawas niini gikan sa iyang tagoangkan.

“Ang hilak ni baby super maka happy. And nakahilak ko nakadungog niya,” paambit ni Charlene "Cha" Lastimosa sa iyang nabati dihang gihimugso ang iyang unang anak nga babaye.

Ang bata ilang gipanganlan sa iyang kapikas nga si Shechem Tajo, 35, og Roanna Carleen Tajo.

Ang pangan sa bata kay kumbinasyon sa mga pangan sa iyang mga apohan nga si Ronol, Antonio Carina Lydia ug Belen.

Niadtong Hulyo 25, 2018, gisaulog sa bata ang iyang unang birthday pinaagi sa

party nga giandam sa iyang mga ginikanan nga gitambungan sa kapin 100 ka mga miyembro sa pamilya nila ni Cha ug Shechem, mga higala ug mga kauban sa trabaho nga gipahigayon sa The Event Hive sa dakbayan sa Mandaue.

Saysay ni Charlene nga normal ang iyang pagsabak ug pagpanganak ni Roanna. “Gi-pray nako nga successful gyud ako pregnancy niya...

And gi-claim sad gyud nako nga wala lang complications and modako si baby nga guided ni God and buotan,” sigon sa 26 anyos nga inahan.

Gidugang ni Charlene nga giampo niya sa Kahitas-an nga maayo unta og 7/25 o Hulyo 25 mahimugso ang bata kay ang maong petsa maoy iyang paborito nga mga numero.

Ang siyete kay alang sa pito ka adlaw sa matag semana ug ang 25 kay petsa sa Pasko ug ang kasaulogan usab sa ilang

monthsary ang petsa 25. “Gift gyud siya nga gihatag

ni Lord,” dugang ni Charlene.

/ TAMPO ■ PAMILYA: Gipalibotan si Roanna sa mga miyembro sa pamilya sa iyang mga ginikanan, (gikan sa wala) Antonio Tajo, Belen Tajo (amahan ug inahan ni Shechem), Ligaya Tajo, Christina Berezo, Isagani Tajo (igsuon ni Shechem), Lydia Lastimosa (inahan ni Cha), Cha, Shechem, Rommel Tajo (igsuon ni Shechem), iyang asawa nga si Hyeth Ann Tajo, ug Jill Patrick Lastimosa (igsuon n Cha).