Jaguars batok sa Cobras sa Cesafi

Mga duwa karon

1:00 pm- UC

batok DBTC ( jrs) 2:30 pm- CITU

batok SHS-AdC ( jrs) 4;00 pm- SWU

batok USJ-R (srs)

Angkunon og suway sa University of San Jose Recoletos (USJ-R) Jaguars ang ikaupat nilang kadaugan sulod sa lima ka mga duwa sa ilang pagpakigbatok sa nagsalimoang nga Southwestern University (SWU) Cobras sa main game karong gabii sa Cebu Schools Athletic Foundation Inc. (CESAFI) basketball college division sa Cebu Coliseum.

Ang Jaguars ni coach Leodie Garcia tataw nga inilog nilang kombatiha apan wala kini nagpasabot nga naseguro na nila ang kadaugan.

Dili ikalimod nga taas ang moral sa Jaguars gumikan kay gawas nga ilang gipanglubong ang defending back-to-back champion University of the

Visayas (UV) Green Lancers, 89-73, niadtong Agusto 26, sila sab ang nagputol sa kainit sa University of Southern Philippines Foundation (USPF) Panthers, 70-61, niadtong Septiyembre 11.

Nakatilaw sab sa kabangis sa Jaguars ang Cebu Institute of Technology University (CITU) Wildcats, 90-69, niadtong Septiyemnbre 9.

Ang bugtong nakapilde sa Jaguars mao ang University of Cebu (UC) Webmasters, 6472, niadtong Agusto 30.

Sa ilang bahin, ang Cobras kasamtangang nagsalimoang dala ang 1-4 nga rekord.

Human sila nabunyagan og 87-53 nga kadaugan batok sa Wildcats, ang Cobras nasugamak sa upat ka sunodsunod nga kapildihan batok sa Panthers, 62-59, Webmasters, 66-49, University of San Carlos (USC) Warriors, 66-56, ug Green Lancers, 68-49.

Sa high division, magsangka sa premirong duwa ang UC Baby Webmasters batok Don Bosco Technological Center (DBCT) Greywolves samtang mag-abot sa ikaduhang sangka ang CITU Wildkittens ug Sacred Heart School-Ateneo de Cebu (SHS-AdC) Magis Eagles.

/ ARNI ACLAO ■ CESAFI: Gitabangan og depensa sa duha ka mga sakop sa CITU Wildcats ang import sa USPF Panthers nga si Rich Managor sa ilang duwa kagahapon sa CESAFI college basketball sa Cebu Coliseum.