BINUKBOKAY NA SA LAS VEGAS
Gilauman ang grabeng binukbokay sa gikaintapang panagharong og balik nila ni Canelo Alvarez ug Gennady Golovkin karong adlawa sa Las Vegas. “I know it’s going to be a tough fight,” matod ni Alvarez. “But I’m going in there to knock him out.” Sa official weigh-in kagahapon, si Golovkin mitimbang og 159.6 pounds samtang si Alvarez
mitimbang og 159.4.
Niadto ra untang Mayo magaway og balik ang duha ka mga boksidor apan nauswag kini human nasuta nga positibo sa paggamit og clenbuterol.
Ang duha ka mga boksidor pulos determinado nga dili magamit ang judges ning awaya aron malikayan ang posibleng kontrobersyal nga desisyon. “It’s a real fight. Like a real
war,” matod ni Golovkin. Si Golovkin, kinsa adunay 38-0-1, 34KOs nga rekord, makonsiderar nga inilog og gamay ning ilang world middleweight fight.
Sa premirong away, daghan ang mga nagtuo nga si Golovkin maoy midaog apan alang kang Alvarez, nakahakot siya og mga puntos sa ulahing rounds nga igo na aron siya ang angayang modaog.
from “I had the first a great fight,” experience matod ni Golovkin. “It’s a little bit different this time, but I believe it will be a big fight for the fans.”
Mao sab kini ang pagtuo ni Alvarez, kinsa adunay 491-2, 34 KOs nga rekord, apan alang kaniya, lahi ang resulta ug mopabor kini kaniya.
“Every night in my bed before I go to sleep I visualize what I need to do to get the knockout,” matod ni Alvarez.”I know it’s going to be a tough fight.”
Nagkanayon ang trainer ni Golovkin nga si Abel Sanchez nga misaad ang iyang mga batos sa mga sumosunod niini nga iyang pakamangon si Alvarez, kinsa maoy kasamtangang labing sikat nga boksidor sa Mexico.
“He’s promised the fans he’s going to knock him out but in order to do that you have to be in range and then it gets dangerous,” matod ni Sanchez.
“In order to win a fight you have to want to win a fight.”
Ang premirong away nakahatag og katagbawan sa mga sumosunod sa boksing sa tibuok kalibutan. Nakahalin kini og $27 million sa mga tiket ug 1.3 million pay-per-view buys.
Ang ilang panagharong og balik na-sold out apan gumikan kay minos kini og promosyon, gidudahan kon makahakot ba kini og daghang halin sa pay-per-view sama sa premiro nilang away.