MGA PAROJINOG MIBALHIN OG OPERATE SA CEBU?

Walo ngadto sa 15 ka mga sakop sa Parojinog drug syndicate ang posibleng ania sa Central Visayas nagtago ug nagpadayon sa ilang illegal nga kalihukan.

Kini ang gitug-an ni Police Senior Supt. Julian Entoma, director sa Mandaue City Police Office, hinungdan nga nakig-alayon sila sa Intelligence Division sa Police Regional Office 7.

Gipasikaran ni Entoma mao ang pagkapatay sa sakop sa

security team ni Ozamis City Bise Mayor Nova Princess Parojinog ug nalakip sa drug

watchlist sa Ozamis, ang gipusil-patay niadtong Dominggo sa gabii sa wa pa mailhing mamumuno sa Barangay Cubacub, dakbayan sa Mandaue.

Naila ang duha base sa nakuhang voter’s identification card nga sila si Mark Lester Castillo, 40, lumad nga taga Purok 3, Baybay San Roque, Ozamis City, ug si Renan Mabida, 35.

Ang duha nagpuyo sa Purok 2 sa Barangay Cubacub, Dakbayan sa Mandaue.

Gitug-an ni Entoma nga nadawat sa kapulisan ang alarma sa pagpamusil alas 9:10 Dominggo sa gabii, diha sa may dan H. Abellana, corner Cubacub.

Ang duha ka mga biktima nagsakay og motorsiklo, diin si Mabida ang nagmaneho ug angkas si Castillo.

Duha ka mga lalaki nga naglakaw lang, usa niini ang nipusil sa duha sa nagkadaiyang parte sa lawas sa mga biktima.

Natumba si Mabida ug nakadagan pa unta si Castillo, apan giingong naapsan kini sa gunman, ug gitiwasan hinungdan nga natusak-tusak sa bala ang iyang lawas.

Dali nga niikyas ang mga killer, kinsa giingong nisakay sa naka-standby nga motorsiklo unahan sa crime scene.

Usa ka Harry Altirado, 30, taga brgy. Canduman, Syudad sa Mandaue ang naigo sa saag nga bala atol sa pagpamusil sa iyang bukton hinuon anaa na sa luwas nga kahimtang.

Dugang ni Entoma nga base sa pamahayag sa usa sa mga nakasaksi nga adunay gihunongan nga taxi ang mga biktima hinungdan nga nakahigayon og pagpamusil ang suspek. “May taxi daw nga maoy

cause nga mihunung ang duha. Then giduolan sa assailant, buto-buto (sa armas), ang taxi nisutoy og dagan wa na niya marecord ang plate number. Mao na among duda,

it can be nga ang taxi maoy dunay i-turnover sa ilaha, maoy ilang gisugat, nagkataon ang assailant may A1 information sa ilang lakaw, kay naglakaw ra man ning assailant,” gipamahayag ni Entoma.

Nakuha sa crime scene ang di mominus sa napu ka kabhang sa 45 kalibreng armas.

Human nasuta nila nga taga Ozamis ang mga biktima, nakig-alayon dayon ang MCPO sa Ozamis City Police Office, diin nasuta nga si Castillo kanhi chief security sa vice mayor, kinsa nabantog nga lakip sa illegal drug

syndicate sa Ozamis City. Samtang si Mabida sakop usab sa maong security team.

Nalakip usab ang duha sa high value target sa drug watchlist sa Ozamis City Police Office.

MIBALHIN

Matod ni Entoma nga ilang nasuta nga niadtong Marso pa ning tuiga niabot ang duha sa Brgy. Cubacub, diin nagpaila si Castillo nga seaman ug nagpaabot sa iyang paglarga.

Dugang ni Entoma nga ang duha ang drug courier sa ilegal nga drugas gikan sa Mindano padung sa Sugbo ug adunay posibilidad nga gihimong bodega sa shabu ang Mandaue.

“Ang kasagarang modus ani, daghan sila og rentahan. Ang ilang pamilya i-safety, magpakita sila kon asa sila nagpuyo nga wa gyud activities. Pero

some other areas ilang butangan didto, sa pikas area ang stock, dayon sa lain area ang pag-distribute. Bisan palitan na nimo og duha ka kilo, di na sila mohatag kon asa sila nagpuyo. Ing-ana ang ilang twist. Aron di sila mahibaw-an sa mga silingan,” pasabot ni Entoma.

Nakig-alayon na sila sa PRO 7 alang sa giingong walo ngatod sa 15 pa ka mga sakop sa Parojinog drug syndicate ang giingong posibleng sa Central Visayas nidangop.

“Definitely yes, kay mao nay sulti sa taga Ozamis, nga after nabungkag ang Parojinog group sa Ozamis, kining mga tawo didto nga namiya sa ilang

area. Gani gitug-an sa Ozamis police nga 8 to 15 members ang posibleng anaa sa atong area sa Metro Cebu or sa province”, dugang ni Entoma. Samtang gitan-aw nila nga motibo pagpamusil mao ang bangi sa laing drug group nga posibleng naglihuk usab sa syudad sa Mandaue.

VISAYAS

Matod ni PRO 7 Director Chief Supt. Debold Sinas nga nakadawat silag report nga namalhin ang grupo sa Parojinog robbery ug drug group sa Mandaue tungod sa kainit na nila sa kapulisan sa Ozamiz.

“Akong giistoryahan na to investigate and check why this

happened nganong naay taga Ozamiz nga wala mi kabalo

to strengthen the intelligence

monitoring and to check kon naa pa bay nagpabilin nga

member,” matod ni Sinas. Di lang ang Mandaue ang gimandoan ni Sinas, lakip na ang Lapu-lapu, syudad sa Sugbo ug probinsya nga mopalapad sa ilang intelligence monitoring.

Nagduda siya nga away sa teritoryo ang pinusilay sanglit naila ang grupo sa Parojinog nga moilog sa usa ka lugar sama sa ilang gihimo sa dakbayan sa Ozamiz.

MISUKOL?

Patay ang usa ka lalake human nisukol sa kapulisan atol sa pag

serve unta sa warrant of arrest nga miresulta sa shootout niadtong Sabado, alas 5:40 sa hapon sa dakbayan sa Mandaue.

Giila ang suspek nga si Alejandro “Ongga” Manatad Briones, 41, ulitawo, taga Sitio Lomboy, Barangay Labogon, dakbayan sa Mandaue.

Matud sa kapulisan, giingong si Briones napusilan sa sakop sa Jagobiao Police Station human giingong unang nipusil sa mga police nga ni

serve sa warrant of arres.

Si Briones naigo sa dughan ug nadala pa sa tambalanan. apan nadeklarang dead-on-arrival.