WAY KINATAWO MAKA-SEX NA
Lalake nga natawo nga way kinatawo nagpahibawo nga pwede na siya maka-sex bisan 45 anyos na siya human gihimo ang pag-implant sa bionic organ ginamit ang iyang kaugalingong panit.
Sa taho sa Metro News, si Andrew Wardle nipaubos sa 10 ka oras nga operasyon aron mohaum ang bag-o ning kinatawo nga gihulagway niyang dako kaayo.
Ang caterer nga si Wardle, gikan sa Greater Manchester, namahayag nga siya ug ang iyang uyab nga si Fedra Fabian nalipay sa resulta sa operasyon sa London University Hospital.
Natawo siya nga may bladder exstrophy, talagsaon ning depekto sa pagkatawo nga nagpasabot nga natawo siya nga may itlog apan way kinatawo.
Ang bladder exstrophy moapekto sa usa sa matag 40,000 nga matawo apan lahi ang kaso ni Andrew nga way kinatawo moapekto lang sa usa sa moabot 20 milyones ka mga tawo.
Nigawas siya sa programang This Morning aron ipakita sa publiko ang iyang kondisyon kay di siya buot nga mahimong mamakak sa iyang kahimtang.
Karong humana ang operasyon nangandam na siya uban kang Fedra, 28, lakip ang paghimo nilag mga bata.
Naglakawlakaw siya nga nagsige og gabarog ang iyang kinatawo sud sa 10 ka adlaw ug naghuwat siyag unom ka semana una siya maka-sex apan si Andrew, kinsa mag- gamit og button sa iyang bugan aron moburot ang kinatawo, nihisgot sa mantalaang The Sun nga nahibalik na ang iyang kinabuhi.
Kabahin sa paghisgot nga mahanaw ang iyang “virginity,” si Andrew nagkanayon nga naghinamhinam siya niini diin dugay na niyang gihuwat kini uban kang Fedra.
Si Fedra nilukat og tiket aron mobiyahe sila sa Amsterdam alang sa birthday ni Andrew ug nipadayag siya na
pressure siya niini. Matod ni Andrew nga gikinahanglan nga iyang suwayan ang gana ini matag buntag ug gabi unya iyang pagahion sud sa minutos.
Dihay usa ka buntag, duha ka adlaw una sila manglakaw sa iyang uyab gisuwayan niya kini og gihulagway niyang natural ra ang nahitabo.
Ang mga doktor migamit og unod, ugat ug panit nga gikan sa bukto ni Andrew aron mahimo ang iyang kinatawo nga labing unang gihimo nga operasyon.
Nagpasalamat si Andew kang Dr. David Ralph sa paghatag niyag tsansa nga anaa siyay kinatawo. /