Bag-ong highest grossing Pinoy film of all time
Ang pelikulang “The Hows Of Us” nilang Kathryn Bernardo ug Daniel Padilla mao na karon ang bag-ong highest grossing Filipino film of all time nga dunay P600 million ang kita.
Ang kanhi No. 1 nga “The Super Parental Guardians” ni Vice Ganda nikanaug sa No. 2 (P598 million).
Samtang ang “Gandarrapido: The Revenger Squad” ni Vice Ganda gihapon niadtong December 2017 ang No. 3 (P571 million).
Nikumpleto sa Top 5 ang “A Second Chance” nilang Bea Alonzo ug John Lloyd Cruz (P556 million) ug “Ang Beauty and the Bestie ni Vice Ganda (P540 million).
HEART ATTACK Shock pa gihapon ang Kapuso Network sa pagkamatay sa ilang asst. director sa primetime seryeng “Onanay” nga si William Thayer Jr. human giatake sa kasingkasing niadto lang Biyernes sa buntag.
Enero 27 karong tuiga namatay usab si Direk Maryo delos Reyes tungod sa heart attack. Ang sikat nga singer nga si Arthur Manuntag nakabsan niadtong Pebrero tungod gihapon sa heart attack.
Karong bag-o ang vocalist-guitarist sa Hotdog nga si Rene Garcia mao gihapon heart attack.
Tungod kuno ni sa atong mga gikaon ug sa atong lifestyle nga stressful na kaayo.
Tinuod jud. Sa traffic pa lang ug kamahal sa mga palaliton siguradong saputon na ka.
FEELING RAYNA? Nagyawyaw ang movie pro- moter tungod sa usa ka artista nga bag-o pa gani kuno feeling na kaayo.
Kay dihang nag-mall tour sila, dugay kuno nga nawala. Mao nga nedelatar sila sa lain pa nilang mall show kay ila pang gipangita kon asa na ni siya.
Mao diay kunong nawa kay nanigarilyo pa. Puwerteng sapota sa promoter. Maayo ra ba kuno’g gwapa. Ang resulta? Flop ang pelikula. Haha.
BIRTHDAY CONCERT Nag-trending sa social media ang mga video ni Wendy Mendoza nga nagkanta sa iyang paboritong awit ni Shirley Bassey nga “Diamonds are Forever” ug sa mga kanta sa The Carpenters.
Tungod niini plano ni Wendy nga magpa-concert sa iyang birthday karong Sept. 25 ug ang mga mo-perform kuno ang iya ra sad mga higala sa showbiz ug ang mga kliyente sa iyang Hair Salon and Beauty Spa sa Fairview Village sa Talisay city.
Sa kasikatan ni Wendy Mendoza niadtong `80s ug `90s, di maihap ang mga nahimo niyang suki nga mga bangiitang singer sa Sugbo, sama nilang Jo Awayan, Pamela Pilapil, Fe Maningo ug Baby Condeno.
Motunga kaha ni sila kon imbitaron? Abangan!