Maayo ang boss

Dear Noy Kulas,

Mahimo ra kong tawgon og June, minyo na ug dunay mga anak. Mga 10 ka tuig na kong nagtrabaho isip sinaligan sa usa ka tag-iya og kompaniya diri sa Cebu. Daghan ang nagtuo nga usa lang ko ka ordinary nga maorag tig ug tig-drive. Pero ang tinuod nakong trabaho ako ang tigtago sa tanan.

Kining akong amo dunay mga babaye pero wa kahibawo ang iyang asawa kay maayo motago, Kahibawo ko sa tanang mga babaye ug nakaila sab nako. Ang wa nako ma-expect kay kining last karon nga estudyante nga nag high prosti. Siya ang nakauyab sa babaye pero ang labas, ako kay ang nag-abang sa balay ako but of course ang kwarta gikan niya. Kami ang uyab pero moarangkada ang akong amo in exchange sa kwarta nga hatag niya nako.

Gipalitan na ko niya og sakyanan, gipaayo ang among balay ug uban pa nga privileges nga wa makuha sa uban pero yano ra nakong nadawat. Ang ako lang karon kay nakasala na ko sa akong asawa tungod sa akong amo. Maayo kaha ning akong gibuhat o among gibuhat? Gusto unta kong molingkawas pero basin masuko ang akong amo. JUNE

June,

Nangangin diay sa iyang bisyo ang imong amo. Iya nang gituyo tingali aron magkinaunsa, tabla mong duha puro dunay mga babaye. Di pa igo ang pagsuborno nimo, gilawgan ka og babaye nga kamong duha ang magkabanos banos.

Bisan unsaon pag tan-aw, pagpahimulos sa usa ka babaye ang inyong gihimo sa imong amo. Di baya na maayo ang inyong gibuhat, gawas nga nakasala ka sa imong asawa ug pamilya. Pakigsultihi ang imong amo nga di usab siya malain. Pananglitan ron, ingnon nimo nga sa imong edad maglisod ka na sa pag-asdang og babaye.

Ikaduha, kon naa kay lain nga madangpan nga panginabuhian, pangita kaha. Ayaw pagsugot nga gamiton ka lang nga tigtabon sa mga sala nga iyang nahimo ngadto sa iyang pamilya. Kon di man gani, pagtigom og kwarta aron makasugod ka og ginagmay nga negusyo. Mag-unsa ang dakong kwarta kon sa sala ka nasugba?