Alvarez gustong isunod si Sullivan
Human sa iyang majority decision nga kadaugan batok kang Gennady Golovkin sa ilang rematch niadtong Dominggo, si Mexican superstar Canelo Alvarez nagplano na dayong moaway pagbalik karong Disyembre.
Tinguhang kontrahon ni Alvarez si kanhi International Boxing Federation (IBF) world middleweight champion David Lemieux, kinsa mirehistro og eksplosibong first round knockout nga kadaugan batok kang Spike O’Sullivan sa undercard niadtong Dominggo.
Apan gumikan kay nagisian man si Alvarez sa ibabawng bahin sa iyang mata sa ilang away ni Golovkin, hayan posibleng dili matuman ang tinguha sa kasamtangang labing bantugang boksidor sa Mexico.
Gitataw ni Alvarez nga nagdepende kini sa mando sa iyang doktor.
“I think they gave me six stitches, we’ll see what the doctor tells us,” matod ni Alvarez sa interbyu sa ESPN Deportes nga napatik sa www.boxingscene.com. Ubay-ubay pa sab ang kinahanglang husayon kabahin sa sunod nga away ni Canelo hilabi na ang kabahin sa iyang kontrata sa HBO nga napupos human sa away nila ni Golovkin.
Mapasigarbuon si Alvarez sa iyang kadaugan batok kang Golovkin gumikan kay mao kini ang nakasemento sa iyang pangalan isip labing maayong boksidor sa kasaysayan sa middleweight division. “Well, that’s what I wanted
to do (win the recognition of the fans), I think that’s the most important thing, I’m left with the victory, it’s one of the most important days in my career,” pasabot ni Alvarez.
“I came forward without deviating in the strategies I had, he had his rounds, he had his moments, but I had a goal and I wanted to fulfill it, unfortunately the knockout was not given, but I think the victory is very important.” Si Alvarez adunay 50-1-2, 34 KOs nga rekord.