Magbantay sa love scam sa internet: Customs

Aduna ba ka’y na meet online? Unya magpadala kunohay og package, apan sa di makuha ang package, naa’y bayad?

Pagmatngon, tungod kay scam kini. Mao kini ang gitawag nga Internet Love Scam diin duha matag adlaw, aduna’y matala ang Bureau of Customs - Cebu nga reklamo kabahin niini.

Matod ni Erwin Andaya, adminsitrative officer IV sa BOC Cebu, nga kasagaran biktimahon niini mga babaye. Dugang ni Andaya nga kon na

meet lang sa social media, dayon magpakaron-ingnon ang langyaw nga daw naa siyay ipadala nga package, apan sa di maku- ha, aduna’y magpakaron-ingnon nga forwarding company nga mangayo og bayad.

Gipasabot niini nga usa sa timailhan nga scam kini kanang ang pamaagi sa bayad kay bank

transfer o money remittance tungod kay kon lehitimo kini, sa buhatan sa BOC ang bayad niini diin anaa kini resibo o kaha, cash-on-delivery.

Tungod lagi kay giplanohan og maayo, hinungdan nga maghimo og kaugalingon nga website ang mga scammer aron ma-track kunohay ang package apan di kini ilado nga forwarding courier.

Usa usab sa tip nga gihatag ni Andaya kon molapas sa P10,000 ang bayranan nga gipangayo.

Hinuon wa pa’y nadakpan ang BOC Cebu niini tungod kay ang National Bureau of Investigation man ang mamahimong manakop niini.

Kalapasan sa Customs Law o sa Republic Act 10863 kining gihimo sa scammer tungod kay nagpakaron-ingnon kini nga opisyal sa BOC ingon man pwede mapasakaan og estafa.