USPF BATOK SWU

Mga duwa karon:

1:00 pm- DBCT

batok USC (high school) 2:30 pm- UC

batok CITU (high school) 4:00 pm- USJ-R

batok USPF (high school) 5:30 pm- SWU

batok USPF (college)

Pahugtan og suway sa University of Southern Philippines Foundation (USPF) Panthers ang ilang paggunit sa ikatulong dapit sa ilang pagpakigbatok sa nagsalimoang nga Southwestern University (SWU)-Phinma Cobras sa main game karong gabii sa Cebu Schools Athletic Foundation Inc. (CESAFI) basketball college division sa Cebu Coliseum.

Ang Panthers kasamtangang naggunit og 5-2 nga rekord, nga maoy labing maayo nilang naabot sukad masukad.

Nagsunod ang Panthers sa University of San Jose Recoletos (USJ-R) Jaguars ug league-leader University of Cebu (UC) Webmasters, nga ningharos pagdaog sa tanan nilang unom ka mga duwa sa 1st round sa eliminasyon.

Ang kadaugan karon sa Panthers makapaamag og maayo sa ilang tinguha nga makasulod sa semi-finals nga wala nila nasinati sulod sa daghang katuigan.

Sa ilang bahin, ang Cobras kasamtangang nagbitay ikaduha sa labing iwit bitbit ang 1-6 nga rekord.

Human nabunyagan og dakong kadaugan ang Cobras batok sa Cebu Institute of Technology University (CITU) Wildcats, 87-53, niadtong Agusto 25 atol sa pagsugod sa torneyo, nagsalimoang na sila ug nasugamak sa unom ka sunodsunod nga kapildihan.

Sa premirong panagharong sa duha ka mga kampo, ningagi pa og kuyaw ang Panthers una nila nabuntog ang Cobras, 62-59.

Sa high school division, magsangka sa premirong duwa ang Don Bosco Greywolves batok University of San Carlos (USC) Baby Warriors dayon mosunod ang sangka sa UC baby Webmasters batok CITU Wildkittens.

Sa ikatulong duwa, magkombati ang USJ-R Baby Jaguars ug USPF Baby Panthers.