Dinaliang pag-atiman sa kontaminadong tubig sa evacuation centers
Usa sa dinaliang lakang pagsulbad sa laing problema nga nitumaw sa siyudad sa Naga nga mao ang nasutang kontaminado ang tubig sa kasagarang water sources sud sa evacuation centers, gitambagan sa Department of Health (DOH-7) ang mga namahala sa matag evacaution center nga ipalayo ang mga water dispenser gikan sa pansayan ug sa mga basurahan.
Dugang ni Dr. Em Cañal, ang pangulo sa Regional Epidemiology and Surveillance Unit- Health Emergency Management Staff (RESU-HEMS) sa DOH-7 nga gikinahanglan usab nga gi-segregate ang mga basura ug tabunan gyud ang mga basurahan sud sa tanang evacuation center.
Gipahinumdom usab nila sa evacuees, ilabi na alang sa mga mga masuso hangtud na sa 4 anyos, ang strikto ug insaktong paghugas sa kamot sa di pa mokaon ug bisan unsa ug ang proper hygiene.
Kahinumduman nga niadtong Dominggo sa gabii, atol sa press briefing kalabot sa kalambuan sa mga gihimong pagpaningkamot pagatabang sa mga nabiktima sa landslide, gipahibaw ni Dr. Cañal nga ilang nasuta nga kontaminadao sa kagaw nga E. Coli ug Fecal Coliform ang mga tinubdan sa tubig nga giinum ug gigamit sa inadlaw-adlaw sud sa evacuation center.
Usa ka filtration equipment ang gigamit karon sa mga evacuation centers aron kasulosyunan ang problema sa kontaminadong tubig.
Ang maong ekipo gitawag og sky hydrant ultra filtration equipment, gikan sa kauluhan, maoy gamiton aron malimpyo ang tubig nga imnon sa evacuees pinaagi sa napulo ka filters nga anaa sulod sa maong ekipo.
Mokabat sa P1 milyones pesos ang balor sa equipment hinungdan nga usa lang una ang gipagamit niini.
Moabot sa 10,000 liters ang mamahimong makarga ug malimpyo sa maong hydrant sa usa ka adlaw.
Gitug-an ni Dr. Cañal, nga kabahin sa ilang monitoring sa waste and sanitation,ang gihimo nila niadtong Sabado nga pagkuha og water sample sa mga tubig diha sa lima ka mga evacuation center, ang Enan Chiong Activity Center, Naga National Highschool, Naga Central Elem. School, Naalad Elem. School ug ang Apo Cemex, covered court.
Base sa ilang talaan, ilang nasuta nga kasagaran sa kontamindong water sources, mao ang mga water dispenser, mga gripo, water tanks ug atabay.
“We deploy disease surveillance to monitor the waste and sanitation of each evacuation center, we get water samples of different evacuation centers, and all, found positive of E. Coli and fecal coliform. At this point we can’t really determine if the source would be the water from the dispenser, faucet or other, but we as we did ocular inspection sa evacuation centers, we were able to note placement of dispensers close to toilets and garbage disposal. Some of the waste disposal in centers, doesn’t have cover,” gitug-an ni Dr. Cañal.
Tinguha ni Cañal nga makakuha sa listahan sa mga nag-donate ug pagkaon ug mga tubig nga gipanghatag ngadto sa evacuees.
Kini human usab nakatala na sila og 11 ka mga kaso sa sakit nga diarrhea.
Gipasabot hinuon sa doktora nga ang maong mga nagkasakit, wa lang sa usa ka center.
Dugang pasabot ni Cañal nga ang mga kontaminadong tubig, di angay nga mainum, bisan na gani sa mga domestic use sama sa ipanghugas sa mga plato, kutsara, tinidor or bsian unsang kitchen utensils, diha sa pag-tootbrush ug bisan na sa pagkaligo, kay mahimo man gihapon nga mainum ang maong kontaminadong tubig.
Samtang, mohatag og mgabitamina ug bakuna ang DOH-7 ngadto sa responders o rescuers, aron kalikayan ang pagsakit samtang nagpadayon sa gihimong search and rescue operation sa landslide areas.