Sigeng away
Dear Noy Kulas,
Tawga lang ko sa ngan nga Junix, 25 years old, taga Cebu City. Ang akong problema mao ang akong girlfriend for 3 years. Yes, 3 years na mi pero grabe na ang among mga naagian. Kadaghan na unta mi nagbuwag pero magbalik ra gihapon.
Magsige mi og away, Noy, bisan sa simple ra nga duda. Two years ago man gud, iya kong nasakpan nga nagbalik mi sa akong kanhi girlfriend. Wa mi magbalik nga formal, but kalit lang nga nagkakita mi, nag-date and something happened between us again. Iya ning nahibaw-an kay ang akong ex ni chat niya. Pwerteng pangaway niya nako nga ni end up sa among panagbuwag. Akong gibasol ang akong ex sa nahitabo ug sukad ato, wan a ko makigkita ug ako na siyang gi block tanan, sa Facebook ug Messenger.
Apan sukad niadto, lahi na ang akong GF, grabe na ka selosa ug madudahon. Mao ni ang among pirme awayan kay usahay nasobrahan na, bisan akong mga ig-agaw nga babaye ug mga kauban nako sa trabaho iyang giselosan. Sa akong nakita, Noy, nasobraan ra siya. Gusto na kong mo give up pero love nako siya ug anugon ang among gi invest aning among relationship. Unsa kaha kon ako na lang siyang buwagan aron maundang na ang sige namong away? Matabang pa ka ni?
JUNIX Junix,
Di kalikayan nga maingon niana ang dagan sa relasyon tungod sa usa ka hitabo. Kay kanang trust delikado kaayo, once mabuak, malisod nang mapahiuli. Mahiuli man gani pero it will take time. Ang nasakitan bisan tuod makapasaylo, apan dunay panahon nga mobalik ang kasakit kon mahinumdoman ang nahitabo. She has the reason not to trust you mao nga naingon ana siya diha nimo.
Para nako, kon makaya pa, hold on to it. But kon makadaut na bisan sa imong trabaho, maayo nga imo siyang buhian. Estoryahe, pasabta kon unsay dautang epekto sa iyang pagkamadudahon. Kon di siya mag-usab, sultihi siya nga mapugos ka sa pagputol sa inyong relasyon kay mas makadaut ninyong duha ang animosity nga angay na untang gipadaplin. You have to do this aron makaamgo siya nga nakapasakit na siya nimo ug niya mismo. Tingali, diha makaamgo siya. Maayo unta.