BROWNLEE, GINS MILATOS SA SMB

Fuel Masters miletson sa Pambansang Manok

Sa kombati sa kuwangan og mga sinaligan, gipanghubog sa defending champions Brgy. Ginebra Gin Kings ang San Miguel Beermen, 110102, sa miaging gabii sa Philippine Basketball Association (PBA) Governor’s Cup sa Araneta Coliseum.

Ang Gin Kings, nga ningduwa nga wala sila si Greg Slaughter, Japeth Aguilar ug So Mercado, mingsaka sa 4-1 nga rekord samtang ang Beermen, nga ningkombati nga wala sila si JuneMar Fajardo ug Marcio Lassiter, nahagba sa 2-2 nga baraha.

Ang nangahisgutang mga magduduwa pulos adunay angol hinungdan nga wala kini nakapakita og aksyon sa ilang tagsatagsa ka team.

Grabe ka sikit ang sangka sa magsuong teams sa nagunang tulo ka quarters ug nakabiya lang og gamay ang Gin Kings sa hinapos nga bahin sa pagpangulo nila ni Aljon Mariano, Joe Devance ug import Justin Brownlee.

“We were fortunate that June Mar and Marcio didn’t play today. On the other hand, we didn’t play with a few guys as well. But this was a key game for both of us and we are just glad we got one,” matod ni Ginebra coach Tim Cone sa PBA.PH.

Gipangulohan ni Brownlee ang Gin Kings pinaagi sa iyang 29 puntos ug 19 rebounds, nidugang si Mariano og 20 puntos samtang nihatag og 17 puntos si Devance.

Ang Beermen gipangulohan ni Christian Standhardinger pinaagi sa iyang 25 ug 11 rebounds, nihatag og 22 puntos si Arwind Santos samtang nitunol og 13 puntos si import AZ Reid.

Sa laing duwa, gipangbuntog sa Phoenix Fuel Masters ang Magnolia Ang Pambansang Manok Hotshots, 95-82.

Ang Fuel Masters, nga maoy labing unang nakapilde sa Hotshots, mingsaka sa 5-1 nga rekord samtang ang Hotshots nahugno sa 2-1 nga baraha. Puntos matag usa

1st game

Phoenix (95) – Phelps 36, Wright 13, Chua 12, Revilla 9, Jazul 9, Abueva 9, Perkins 7

Magnolia (82) – Travis 28, Jalalon 11, Sangalang 11, Barroca 11, Lee 8, Ramos 6, dela Rosa 3, Melton 2, Galaminda 2 2nd game

Ginebra (110) – Brownlee 29, Mariano 20, Devance 17, Tenorio 9, Ferrer 8, Caguioa 8, Chan 7, Caperal 6, Thompson 5, Manuel 1.

San Miguel (102) – Standhardinger 25, Santos 22, Ross 18, Reid 13, Cabagnot 10, Nabong 8, Pessumal 6.

/ PBA IMAGE ■ 3-1: Gitabangan og depensa ang import sa Barangay Ginebra nga si Justine Brownlee (32) nila ni Kelly Nabong (80), Arwind Santos (29) ug AZ Reid (wala nga nasalipdan) sa dihang padulong na kining milusot atol sa ilang duwa niadtong Dominggo sa PBA Governor’s Cup sa Araneta Coliseum.