Mga tanod sa Cebu City gipa-drug test

Kalit nga pag Drug Test sa tanang Barangay Tanod sa Lowland Barangays nga sakop sa Cebu City, gipahigayon sa Cebu City Hall kagahapon Setyembre 24, 2018.

Gibanabanang 49 ka mga lowland barangays nga adunay 20 ka mga barangay tanod ang kinalit nga pag -drug test kagahapon.

Si Garry Lao ang pangulo sa Cebu City Office for Substance Abuse and Prevention (COSAP) nagkanayon nga iya kining gipatawag ang tanang barangay Tanod apan meeting lang matod pa ang iyang gipahibalo niini.

“Akong instructions tanang Tanods present, sa absent I am giving until today to undergo a drug test, if dili sila ka undergo a drug test I will be asking for explanation, second if we will not be satisfied sa ilang explanations, I will strike them out para sa atoang financial assistance because part sa giving of financial assistance, maka undergo sila og drug test,” hulga ni Lao

Plano usab ni Lao nga mupahigayon kini og medical check up sa mga Barangay Tanod para sa ilang kaugalingon.

“Nihangyo ko sa atoang Head sa Long Life Medical Assistance Rengelle Pelayo if she can spare head the medical check up only for our own Barangay Tanods and she approves it, okay naman so maka pa higayon na unya ta og medical check up sa atoang mga tanod,” saysay pa ni Lao

Giuna matod pa ni Lao ang mga kowland barangays tungod kay dili kini ma okupar sa maong venue.

Samtang, ang kinalit nga drug test sa Cosap magpadayon sa kabarangay sa dakbayan sa Sugbo aron pag-iway sa adik na kawani.