SuperBalita Cebu

Comelec North District sa Ayala Center nagrehistr­asyon

-

Kon ikaw taga north district sa Cebu City ug gustong magparehis­tro o gustong mobalhin og botar sa umaabot nga piniliay, ayaw na og adto sa buhatan sa Commission on Election (Comelec), largo sa activity center sa Ayala Center Cebu.

Si Election Officer Atty. Marchel Sarno nagkanayon nga sugod kagahapon, didto na sa Ayala ang tanang transaksyo­n sa Comelec north district gawas lang sa pagisyu og certificat­ion sanglit hamugaway ang lugar.

Gipadayag ni Sarno molungtad hangtod sa Setyembre 29 (Sabado) ang ilang pag-istar sa Ayala sanglit nag-anam na og kadaghan ang gustong magparehis­tro ug transfer gumikan usab kay sa maong adlaw ang katapusan nilang pagrehistr­o.

Matod pa niya nga dili makaatiman ang ilang buhatan nga nihumtang as Osmeña boulevard duol sa Sto. Niño church sa bul-og sa katawhan sanglit nahimo nang batasan nga adto na modugok sa katapusang usa ka semana ang mga tawo.

Kon ikaw taga south district, mahimo kapang makaadto sa ilang buhatan didto sa Comelec sanglit sa Setyembre 28-29 pa sila mobalhin ngadto sa Robinson Cybergate atbang sa Chong Hua Hospital para sa ilang rehistrasy­on ug transfer.

Kini aron daghan pang mga tawo ang ilang maalagaran sama sa north district, hamugaway ug bugnaw pa ang lugar diin mahimo pang maka-shopping ang mga tawo samtang naghuwat sa ilang turno nga marehistro.

Matod ni Sarno, posibleng wala nay extension nga ihatag ang ilang central office sanglit sa ikaduhang semana sugdan na nila og panawat nga certificat­e of candidacy sa mga local candidates nga magpapili sa karong Mayo 2019.

Newspapers in Cebuano

Newspapers from Philippines