DRUGAS GIPASOK SA KINATAWO
Gipasok sa kinatawo sa babaye ang 78 ka linikit nga mga marijuana ug heroin diin giingnan niya ang pulis nga alang kini sa iyang
personal nga kagamitan.
Sa taho sa Metro News, si Lauren Carson, 31, gipahunong sa West End dihang ang mga pulis nakakita og tulo ka mga lalake ug usa ka babaye nagsunod kaniya aron mopalit og drugas.
Ang naasoyng mga tawo wa mohatag sila tinuoray nga mga pangalan ug aksyon nig sukol dihang nasakpan kining babaye nga may pinutos diha sa iyang baba.
Dihang gihimo ang paghubo kaniya, si Carson nisuway sa pagbalhin sa ubang mga gidiling drugas sa iyang kinatawo ngadto sa iyang bra nga gisusi usab kini.
Ang kapulisan nakadiskubre 53 ka putos sa cocaine ug 25 ka putos sa heroin, matod sa taho sa Old Bailey,
Si Carson nisulti sa mga huwes nga iyang gipalit ang drugas nga gibulto alang sa iyang personal nga kagamitan pipila ka gutlo una siya gidakop.
Matod niya nga mibayad siyag £130 gikan sa nahabiling kwarta sa iyang amahan diin kon ibaligya kini moabot kinig £500.
mipasabot si Carson nga na- hibawo siya kon asa mopalit og drugas kay ang iyang amahan midala kaniya sa dapit aron mopalit usab.
Iyang gibutyag nga overdose sa drugas ang iyang amahan nga maoy gikamatyan niini.
Nitataw siya nga di unta to maayong dapit nga dalhon siya apan niadto sila sa dapit.
Matod niya sa mga huwes nga nangalyas siyag pangalan kay nahadlok siya sa giisyu nga warrant of arrest batok kaniya.
Dihang gipangutana siya ni Prosecutor Matthew Dalton nganong daghang pinutos nga nakit-an siya sa iyang kinatawo kon buot niyang personal ning gamiton.
Nitubag siya nga gibutang niya kini sa kinatawo aron itago kay di pwede nga maghupot siyag Class A drugs sa kadalanan sa London.
Si Carson nga taga Mossvale Way, Glasgow, miangkon nga naghupot siyag Class A drugs ug sad-an sa duha ka kaso nunot sa paghimo niini unya gisentensiyahan siyang mabilanggo tulo ug tunga ka tuig ni Judge Anuja Dhir QC.
Nituaw nga human siya gisentensiyahan nga may tulo pa ka mga kombiksyon sa Scotland nunot sa paghupot og drugas nga class A, B ug C sukad niadtong 2009. /