NAG-PASKO SA SEPTIYEMBRE
Bisan Septiyembre pa, ang dos anyos nga batang lalake gipasaulog na sa Pasko sa iyang pamilya ug mga silingan kay gihatagan nalang kinig pipila ka semana nga mabuhi.
Sa taho sa Metro News, nga ang pamilya ni Brody Allen nagtinguha nga malingaw ang bata kay tingali og di na siya maabtan pag Disyembre aron saulogon kini human ang mga doktor nakadiskubre og lima ka di na pwede nga matambalan nga tumor nga anaa sa iyang utok.
Ang bata nagpuyo sa Cincinnati, Ohio, gipaubos na sa makadahang higayon sa
chemotherapy human madiagnosed nga may extremely rare embryonal brain cancer
(ETMR) niadtong Mayo.
Subo kaayo nga mga lima ka semana ang nakalabay, ang mga doktor ni Brody mihatag kaniya og duha ka buwan nga mabuhi.
Sukad niadto, ang iyang inahan nga si Shilo nagsugod nag butang og dayandayan sa sud ug gawas sa ilang balay sama sa mga suga, mga butang alang sa Pasko ug nagpatukar na silag kanta niini.
Ang ilang mga silingan nadasig busa nisunod sila ug ang karsada nga anaa nagpuyo si Broody aduna nay dayandayan sa Pasko.
Ang kabanay sa bata nagkanayon nga si Brody way ideya nga Septyembre pa ug anaa sa iyang huna-huna nga Pasko na.
Ang iyang maguwang babaye nga si McKenzie, 21, namahayag nga ang Pasko maoy espesyal kaayo nga panahon sa ilang pamilya.
Nitataw siya nga dihang nahibawo silang di na moabot si Brody sa Pasko ning tuiga nidesider silang ila ning buhaton sayo ug ipatagamtam niya.
Iyang gipahibawo nga pwerteng lipaya sa bata niadtong milabayng Pasko ug sila nga ang malipayon nga kasinatian ang matagamtam sa bata sa di pa siya mahunosan sa kinabuhi.
Si Brody nasutang may sakit dihang nimata siya usa ka adlaw nga nalipong siya ug di na makalakaw.
Gidali siyag dala sa hospital nga gisuspetsahang may impeksyon lang siya sa dunggan.
Apan, si Shilo gipahibawo sa mga doktor nga si Brody nataptan talagsaong klase sa cancer. /