Kinsay mas bakakon, mga babaye o mga lalake?

Jose Iric Ando Palomares

Mamakak pa man gani sa Nanay nga walay pan kay nasunog ang bakery, unya’g pangitaan asang bakeryha, “Nasunog ato, Nay” way ikatug-an. Mo-salute kog naay tawo nga wa makasulay og pamakak.

John Perdez Molina

Babaye kay kusog kaayo masuko niya wala ka kahibaws rason unya bisag silay nakasala kitay basulon bisag wala tay ginabuhat.

Cerwin Auman

Murag susama ra man, ma-babaye ka ug lalaki mamakak gayud.

Pero dili baya tanang bakak makadaut, kay aduna tay ginatawag og WHITE LIE. Kay pag-ingun pa bitaw, ma- biyaan ang tanang bisyo, ang pag pamakak nalang ang wala pa.

Manny Vicente

Babaye kay mag‘good night’ na pero online pa. Bakakon kaayo.

Marites Cornelio

Para nako pareho ra. Pero mas bakakon gyud ang lalaki kay mag, “I love you” na nya “Good night”, himan- himan nibalhin og laing account. Nakat-on ra sad og pamakak ang mga babaye tungod sa lake.

Shanen Borla

Para nako, ang pagkabakakon sa usa ka tawo, wa na magbase sa unsa ang iyang gender kon dili kanang pagkabakakon, batasan na sa tawo. Dunay lalaking botboton ug dunay babaye nga botboton. Dili ta makaingon nga, maong botboton na siya tungod kay lalaki man pero nga nganong duna may babaye nga botboton diba? So wa na sa gender, batasan na.

Rowena Roma Villaver Cadivida

Kung bakakon ang usa ka tawo bakakon jud na bisan ibala pa sa kanyon di jud moangkon, ma babaye man o lalake, tawo ra baya. Di man magkapareha ang sitwasyon pero same ra na’g meaning.

Adolfo Gerangaya Jr.

Pareha ra man babaye ug lalake. Mga bakakon labi pa ug ang ka chat gwapa or gwapo unya kwartahan. Moingun dayon nga ulitawo pa gyud ko or dalaga pa gyud ko. Mogamit dayon og laing account aron di mabisto mahadlok man nga masakpan sa asawa or bana.

Wilma Bello Landiza

Klarong lalake bisan sakpan na makak gihapon, OT kuno 3 hours pero diay to galumlom 3 hours. Napay kapoy gikan trabaho kay whole day lage nag-work pagkahuman half-day ra diay kay sakpan sa payslip.

Jaymee Sadorra

Ang klaro kaayo mamakak kani jud mga babaye kay daghan kaayu ni silag rason basta naa silay gusto kab-uton. Buhi kaayo og bakak samot na’g naay mga barkada kakuyog sa laag. Sus, mao jud nay nabuwagan nako’s akung uyab pag- high school kay bakakon kaayo.

Kenrey Sayson Montebon

Ang babaye super ka bakakon kay ingun siya Jollibee daw mi i-treat niya. Tas paghuman namog kaon nahabilin daw iyang wallet.

Enrico Santisas

Depende nas tawo, kon unsa iyang kinaiya ug pagpadako.