Pia Wurtzbach himoan og wax figure

MANILA – Tulo ka tuig na sukad nakoronahan si Pia Wurtzbach isip ikatulong Miss Universe nga gikan sa Pilipinas. Apan hangtud karon, padayon sa pagpupo si Pia sa mga grasya nga naggikan sa maong kadaugan.

It was really a life-changing experience kini para kang Pia. Blockbuster ang pelikula niya with Vice Ganda and Gerald Anderson ug hangtud karon daghan siyang gipang-duso nga mga proyekto og produkto.

Si Pia mao usab ang kauna-unahang Pinoy nga magkaroon ng wax figure sa Madame Tussauds Hongkong. Nagpa-survey ang Madame Tussauds Hongkong kon kinsa sa mga celebrities o politicians from the Philippines nga angayan himoan og wax figure kay taudtaud na ang maong wax museum pero wala pa silay namugna nga Pinoy character/figure.

Sa maong survey, overwhelming ang pagdaug sa pangalan ni Pia.

A few days back, nahimamat na ni Pia ang mga staff from Madame Tussauds nga nagsukod kaniya ug nagkuha og detalye sa iyang tibuok lawas including her hair.

Human hair ang gamiton ug kinahanglan bawat detail sa lawas ni Pia makuha jud. Wa pa maka-decide ang mga taga-Madame Tussauds kon unsa ang pose ni Pia sa iyang wax, kon yun bang na-shock siya tungod kay siya diay ang tinuod nga winner o kadtong iya nang gitugyan ang korona sa iyang sumusunod.

Pero mas nindot kon na-shock siya ug dapat sul-ob niya ang blue gown ni Albert Andrada mao kini ang na-retain sa memorya sa milyun-milyon nga mingtan-aw sa maong live event.

A few years back, napuntahan ko ang Madame Tussauds (sa Thailand) ug daghan kaayong nagpa-picture sa kiliran sa mga sikat nga personalidad nga may wax figure. Ako, nakapagpa-picture ako kauban si Barrack Obama ug sa iyang asawa, kang Celine Dion, Princess Di, Madonna, Queen Elizabeth II ug kang Bruce Lee.

Wala pa koy nakitang wax sa Miss Universe or any beauty pageant figure didto. So I guess it is safe to say nga si Pia sad ang kinaunhang Miss Universe o beauty queen nga gihimoan og wax figure.

Grabe no? Hangtud karon nagpadayon si Pia sa pagsalo sa mga grasya gikan sa langit. Ang achievement ni Pia usa ka dakong garbo sa Pilipinas.

Maayo na lang kay may mga ingon aning panghitabo nga pambalanse para dili nato mafeel ang kalisdanan nga atong gitagamtam karong mga panahona gumikan sa pagtaas sa mga palaliton.

Mabuhi ka, Pia Wurtzbach.