Rebelyon, kudeta
Si Judge Elmo Alameda sa Makati Regional Trial Court (RTC) Branch 150 miluwat og orden de arresto batok kang Sen. Antonio Trillanes IV niadtong Martes human i-revive ang kasong rebelyon batok sa senador tungod sa iyang pagsalmot sa pagsuway sa pagpalagpot sa gobyerno niadtong 2003, 2006 ug 2007.
Si Trillanes niuban sa mga sakop sa kapulisan nga nagdala sa orden de arresto batok kaniya didto sa Senado. Apan ang huwes misitar sa piyansa nga P200,000 alang sa iyang temporaryong kagawasan. Ang Department of Justice adunay pending nga mOsyon sa pagbuhi sa kasong kudeta batok sa senador.
Ang krimen nga kudeta gidugang sa Revised Penal Code (Act No. 3815) pinaagi sa Republic Act No. 6968 nga gipasar niadtong Oktubre 24, 1990 human sa daghang mga kudeta batok sa kagamhanan.
Ang Article 134 sa RPC nagkanayon, “The crime of rebellion or insurrection is committed by rising and taking arms against the Government for the purpose of removing from the allegiance to said Government or its laws, the territory of the Republic of the Philippines or any part thereof, of any body of land, naval or other armed forces, or depriving the Chief Executive or the Legislature, wholly or partially, of any of their powers or prerogatives.”
Ang Art. 134-A nagkanayon, “The crime of coup D′ÉTAT is a swift attack accompanied by violence, intimidation, threat, strategy or stealth, directed against duly constituted authorities of the Republic of the Philippines, or any military camp or installation, communications networks, public utilities or other facilities needed for the exercise and continued possession of power, singly or simultaneously carried out anywhere in the Philippines by any person or persons, belonging to the military or police or holding any public office or employment, with or without civilian support or participation, for the purpose of seizing or diminishing state power.”
Ang si bisan kinsa nga mapamatud-ang sad-an sa pagpasiugda ug pagpangulo sa usa ka rebelyon o insureksyon pahamtangan sa silot nga reclusion perpetua kon pagkabilanggo gikan sa 20 ka tuig ug usa ka adlaw ngadto sa 40 ka tuig. Samtang ang mosalmot niini pahamtangan sa silot nga reclusion temporal kon pagkabilanggo hangtod sa 20 ka tuig.
Ang si bisan kinsa nga mangulo o momando sa ubang mga tawo sa paglusad og usa ka kudeta pahamtangan sa silot nga reclusion perpetua. Ang si bisan kinsang nag-alagad sa gobyerno nga mosalmot sa kudeta pahamtangan sa silot nga reclusion temporal maximum period.
Ang ubang mga tawo nga wa sa gobyerno nga mosalmot sa kudeta pahamtangan sa silot nga prision mayor maximum period.
Apan kining maong mga krimen pagasilotan lang kon mapakyas. Kay kon modaog, sila na man ang mopadagan sa gobyerno.