HAYWARD ANDAM NA NGA MOBALIK
Gilaumang masaksihan na sa umaabot nga pipila ka mga adlaw ang dugay nang gihuwat nga pagbalik og duwa ni All-Star Gordon Hayward.
Gipabuhagay ni Hayward nga nagplano na siyang moduwa sa Boston Celtics sa ilang labing unang tahas sa pre-season sa National Basketball Association (NBA) batok sa Charlotte Hornets karong Sabado (RP time). Si Hayward usa sa dekalibreng magduduwa nga nakuha unta sa Celtics sa miaging season kauban si Kyrie Irving apan naangol dayon siya (left ankle) sa labing una pa lang niyang pagduwa sa team. Ang kanhi pambato sa Utah Jazz mipadayag nga siyento porsiyento nang naanlim ang iyang angol ug andam na siyang moduwa pagbalik.
“I’m just excited to be out there,” matod ni Hayward. “It’s been so much fun to be able to play again and play with my teammates. These past few weeks and the next probably month or so will be good to get back into the game.”
Basi sa taho sa Celtics.com, ang mga sakop sa Celtics natingala sa gipakita ni Hayward atol sa ilang ensayo nga daw dili kini gikan sa taas nga panahon nga pagkaangol.
“I’ve seen him working out over the last three weeks, since he’s been back in Boston, and he’s really looking good,” asoy ni second-year forward Daniel Theis.
“When you get hurt and when you’ve time, you’ve been out got for to get such back a long the feeling for playing five-on-five, and I think the hardest challenge for him is going to be the mental part, just going in there, playing with contact again.”
Matod ni Theis nga daw wala ra matay-i ang abilidad ni Hayward.
Ang Celtics mosugod sa ilang kampanya sa 2018-19 regular season karong Oktubre 16 batok sa Philadelphia 76ers.
Gipasabot ni Hayward nga sa iyang kahinam nga makabalik og duwa, grabe ang iyang pag-ensayo aron mahibalik dayon ang iyang saktong kondisyon.
"There’s nothing like playing basketball,” matod sa 28 anyos nga magduduwa. “There’s nothing like doing in-game stuff that you can’t get from drills. You’re guarding somebody, you’re reacting, you’re getting a rebound and trying to go straight back up with it. Those things I can’t really practice, so to have the ability to do that was really big for me.”