MGA NEGUSYANTE WALA MABALAKA

Mga magpapatigayon sa dakbayan sa Mandaue nipadayag og padayong pagsalig ngadto sa kapulisan sa Mandaue City Police Office (MCPO), bisan kon mitaas ang gidaghanon sa kaso sa murder itandi sa miaging tuig.

Ang ika-24 nga pagpatay nahitabo niadtong Miyerkules sa buntag sa sudlunon nga dalan sa Barangay Cambaro.

Kini ang giklaro sa pangu sa Mandaue City Chamber of Commerce and Industry (MCCCI) nga si Stanley Go, ang daku gihapon nilang pagsalig ngadto sa kapulisan.

Taliwa sa gipagawas nga report sa MCPO atol sa City Anti-Drug Advisory Council niadtong Sabado, nga niabot og 23 ang kaso sa murder sud sa walo ka bulan niining tuiga, taas kaayo ikompara sa 6 ka kaso sa miaging tuig.

“Our confidence in police is still high….Just because there is an incident of killing, moingon na dayon ta nga uy grabe na kaayo, daghan na kaayo ang patay, no!,” matud ni Go sa phone interview.

Bisan niini, padayon ang ilang pagsalig ang mga magpapatigayon sa Mandaue City sa kapulisan ug awhag usab ni Go sa MCPO ang dinaliang pagkab-ot sa resulosyon sa mga kaso sa pagpatay. “...Justice should be implemented. Di sya pwede nga wala lang tay gibuhat with this kind of incidents,” hangyo ni Go sa kapulisan.

Gipasabot usab ni Entoma nga kasagaran sa 24 ka mga murder case sa siyudad, tungod sa ilegal nga drugas, diin ang uban nag-unay og patay o nag-away sa teritoryo.

Dugang niya nga posibleng 50 porsyento sa maong kaso ang masulbad, kon mogawas na ang ballistic result sa gipasusi nila nga armas ni Alejandro Briones, kinsa namatay atol sa nahitabong

shootout niadtong Septiyembre 15 sa hapon ning tuiga samtang nag-serve og warrant of arrest ang kapulisan batok kang Briones.

Matud ni Entoma nga si Briones adunay kasong may labot sa ginadiling drugas ug pagpatay.

Laing gisusi usab nila nga lulyo sa mga kaso sa patay sa nangaging semana ug bulan mao usab kadtong duha nga gipatay niadtong Septiyembre 16 sa Barangay Cubacub, nga giingong sakop sa Parojinog drug and robbery group.