368 ka manindahay sa Carbon Market maigo sa road rehabilitation sa DPWH
Mokabat ngadto sa 368 Carbon market vendors ang naapektohan sa ilang pagpaninda sa gihimong road rehabilitation sa Department of Public (DPWH).
Sa gihimong consultative meeting kagahapon sa mga vendors sa City Hall, kinahanglan sila papahawaon sa ilang mga pwesto tungod kay naputol matod pa ang trabaho sa DPWH.
Si Annabeth Cuizon, assistant city administrator, nagkanayon nga nihangyo ang DPWH nga magpaabag sa Market Authority para mahatagan og temporaryong lugar ang apektado nga mga manindahay.
Ang gihimong pagpadayon nga road rehabilitation sa DPWH anaa mahimotang sa Quezon boulevard likod sa may Unit 2 Carbon Market.
“Sa two months namong pangitaay og lugar ang among nakit an ang Warwick unta to, unya ang kanang Warwick presently gihimo ni siyang parking area unya ang amo untang tagaan sila og 2x2 meter nga stall para ma accommodate lang gyud tanan,” dugang ni Cuizon
Gipaabot pa matod pa sa DPWH kon kanus-a sila maka balhin para makapadayon na sa ilang trabaho.
“Ang atong gihimo ron temporary lang nga makabalhin sila sa mga nahuman napod nga dan, i-anam-anam lang nato og balhin ug unya na nato i-verify kun permanently ibutang gyud sa Warwick kay kaning kasagaran natong 300 vendors ambulant man gud ni sila so they are paying the city ug wala silay klaro nga kontrata so mao na atong pagahimoon una nato sila ibutang og permanent gyud nga relocation,” matod pa ni Cuizon
Sa laing bahin, si Regina Bustamante, usa ka vendor ug naapektuhan sa maong dapit, nagkanayon nga nalipay matod pa sila sa local nga kagamhanan tungod kay gihatagan silag relocation site para sa ilang pag paninda.
“Nalipay mi ug wala mi choice kay mao may gikauyonan sa uban,” dugang ni Hista.