Mga Revilla, balik sa aksyon movie
Dugay-dugay na sab ta nga wala makakita og super aksyon nga pelikula, sama sa mala-agimat nga salida nilang Ramon Revilla Sr. ug Bong Revilla.
Sila ang akong hisgutan kay balik-action sa pelikula ang mga Revilla ug di lang usa kondi tulo ka action stars ang mga bida sa Imus films.
Ang pelikula gibidahan sa tulo ka mga anak ni Bong Revilla nga giulohan og “Tres” nga dunay tulo ka managlahing istorya.
Unahon nato si Jo love Revilla. Sa istoryang “72 hours,” si Jolo sa tinood nga kinabuhi mao ang Vice Governor karon sa Cavite ug ato kini siyang nakita bag-ohay lang sa teleseryeng “FPJ’s Ang Probinsyano.”
Sa episode nga “72 hours,” usa ka agent sa PDEA si Jolo. Relevant kaayo kini kay mao man ang nahitabo sa atong palibot karon.
Si Rhian Ramos ang iyang kapareha ug gibituonan usab nilang Lani Mercado, Albert Martinez, Dominic Roque, Aaron Villaflor, Neil Coleta, Precious Lara Quigaman ug uban pa sa direksyon ni Dondon Santos.
Sa episode nga “Virgo” nasorpresa ang press sa pagbalik showbiz sa kinamaguwangang anak ni Bong Revilla nga si Bryan Revilla.
Pero sa tinud-anay lang, mas gusto niini luyo sa camera kay mas komportable siya. Duna siya’y degree ug busy pag-alalay sa ilang pamilya sukad na-detain ang iyang papa sa Camp Crame.
Tungod sa han yo sa iyang amahan, balik sa limelight si Bryan. Kauban niya sa Virgo silang Carla Humphries ug Joey Marquez.
Samtang, si Luigi Revilla ang kinamanghuran sa tanan ug anak ni Bong sa laing babaye ang bida sa episode nga “Amats,” usa ka drug addict ang papel nga nahimong undercover agent. Gibituonan sad sa maong episode ni Assunta de Rossi.
Atong atangan ang tulo ka Revilla sa “Tres” ug atong tanawon kon kinsa nilang Jolo, Bryan ug Luigi ang mosunod sa mga lakang sa ilang amahan, ay’g saba!