Kaso sa dengue mikunhod: PHO

Makita ang dakong pag-usos sa kaso dengue sa laalwigan sa Sugbo karong tuiga kon itandi sa tuig 2017.

Sa talaan sa Provincial Health Office (PHO) gikan Enero hangtud Agusto karong tuiga, naa na lang kini sa 1,898 gikan sa 3,544 sa susamang panahon sa miaging tuig.

Matod sa Dengue Program Coordinator sa PHO, Tardy Guardiario, sagad sa mga dapit nga taas nga kaso sa dengue mao ang mga siyudad.

Gitug-an niya, pabiling nag-una ang siyudad sa Talisay sa labing daghan ug dengue cases nga dunay 181 samtang nagsunod niini ang laing siyudad nga mao ang Naga, nga dunay 178 dengue

cases sa unang walo ka buwan karong tuiga.

a kapin 1,800 ka mga kaso sa dengue sa Sugbo karong tuiga, moabot sa 17 ang nakalas niini. Nitala sa labing daghan ug fatality tungod sa maong sakit ang siyudad sa Naga, diin 3 ang natala nga namatay

Duna sa'y duha nga nakalas tungod sa dengue sa mga lungsod sa Sogod, Consolacion ug Sibonga.

Matod ni Guardiario, wala pa na-consolidate ang bagong dengue cases nga natala sa buwan sa Septiyembre, lakip na niini ang gikataho nga pagka-igo sa sakit sa di momenus 20 kamga indibidwal sa siyudad sa Toledo.

Sigun sa PHO, nakadawat na sila ug taho sa giingong pagsiaw sa dengue sa Toledo apan ipasusi pa kini ni Guardiario, ilabi na usab kay giingong dunay 1 nga nakalas sa maong dapit.