50 mil nakaparehistro sa Lilo-an; daghang wala marehistro sa Lapu
Dul-an sa 50,000 ka mga botante ang narehistro sa dakbayan sa Sugbo atol sa tulo ka buwan nga rehistrasyon sa Commission on Election (Comelec).
Sa north district, nakarehistro ang buhatan ni Atty. Marchel Sarno og 22,462 ka botante samtang 23,954 sa south district ni Atty. Edwin Cadungog.
Matod ni Sarno nga nibul-og ang daghang nagparehistro niadtong katapusang simana sa Setyembre.
Ang north district nigamit sa activity center sa Ayala Center Cebu samtang ang south district didto sab sa Robinsons Cybergate para pag atiman sa daghang mga tawo nga nihugop.
Si Sarno nagkanayon nga mao na kadto ang katapusan sa pagrehistro sa mga botante gawas lang kon adunay kamanduan ang ilang ulohan nga buhatan.
Kini isip pagpangamdam sa local ug senatorial election sunod tuig.
Gipahibawo usab ni Sarno nga adto sa iyang buhatan iduso ang tanang certificate of candidacy sa tanang magpapili sa dakbayan sa Sugbo.
Sa pagkakaron, nag-andam pa sila sa mga gikinahanglan sama sa COC form ug ubang rekisito para sa sunod tuig nga piniliay.
Gibana-bana nga adunay 600 ngadto sa 1,000 ang wa na maparehistro sa Commission on Election (Comelec) Lapu-Lapu atol sa katapusang adlaw sa registration niadtong Biyernes.
Samtang glass door sa department store sa Barangay Basak, Lapu-Lapu ang naguba sa dihang nihamag ang bagang duot sa mga tawo nga mosulod bisan nga gibalibaran nga dili na ma-ato sa Comelec personnel sa pag-atiman.
Sa Gaisano Grand Mall, Basak gipahigayon ang offsite registration area aron sa pag-accommodate sa daghang tawo inay sa buhatan sa Comelec sa mah city hall nga limitado ang lugar.
Gitug-an ni Atty. Ann Janet Lamban, election officer nga kapin lang sa 400 ka tawo matag adlaw ang ilang ma-atiman sa pagparehistro sa dili pa nila tak-upan ang ilang registration
dungan pagpanira sa mall.
Iyang gipasabot nga batasan sa uban nga molihok sa deadline sa schedule sa pagpangrehistro talliwala sa taas nga lugway sa panahon ang gigahin sa dihang gisugdan ang registration niadtong Hulyo.
LAPU-LAPU CITY
Gibanabana nga adunay 600 ngadto sa 1,000 ang wa na maparehistro sa Commission on Election (Comelec) Lapu-Lapu atol sa katapusang adlaw sa registration niadtong Biyernes.
Samtang glass door sa department store sa Barangay Basak,
Lapu-Lapu ang naguba sa dihang nihamag ang bagang duot sa mga tawo nga mosulod bisan nga gibalibaran nga dili na ma-ato sa Comelec personnel sa pag-atiman.
Sa Gaisano Grand Mall, Basak gipahigayon ang offsite registration area aron sa pag-accommodate sa daghang tawo inay sa buhatan sa Comelec sa mah city hall nga limitado ang lugar.
Gitug-an ni Atty. Ann Janet Lamban, election officer nga kapin lang sa 400 ka tawo matag adlaw ang ilang ma-atiman sa pagparehistro sa dili pa nila
tak-upan ang ilang registration dungan pagpanira sa mall.
Ang dakbayan sa Lapu-Lapu adunay kinatibuk-ang kapin sa 13,000 ka newly registered voters.
Samtang karong Oktubre 11, 12, 15, 16 ug 17 mao nay filing sa certificate of candidacy alang niadtong magpapili pagka-mayor, bise mayor, konsehal ug kongresista.
Panawagan ni Lamban nga dili maglangay langay sa pagpa-rehistro ang mga nagtinguhang mokandidato. “Mas labing maayo kon mosayo,” dugang ni Lamban.