Kinsa ang angayan manubag?

Mahulog man ni og title sa drama sa radyo. Hapit na duha ka semana human mahitabo ang grabeng landslide nga niigo sa sitio Sindulan, Barangay Tinaan, City of Naga diin niresulta sa kamatayon sa 70 kapin ka mga tawo samtang daghan pa ang wala igkita. Hangtod magpadayon pa ang pagbinasulay local government of Naga, Mines and Geosciences Bureau-Department of Environment and Natural Resources (MGB-DENR 7) og sa Apo Land Quarry Corporation (ALQC).

Si Naga City Mayor Kristine Vanessa Chiong nanghunaw sa iyang responsibilidad sa maong kalamidad gumikan kay mihimo man siya og aksiyon sa wala pa ang maong hitabo niadtong September 20. Wala pa ang maong hitabo mi-issue siya og cease and desist (CDO) batok sa ALQC human masuta nga adunay mga liki ang mga bukid sa Tinaan. Apan iya kining gilibkas human madawat ang report sa MGB nga luwas ra ang maong lugar. Pero ang gi-inspection sa taga MGB mao ang sitio Tagaytay og dili ang Sindulan diin nahitabo ang landslide.

Apan atol aa programang ‘Dialogue on the air’ sa DYSS Super Radyo, si kanhi Mayor Val Chiong, amahan ni Kristine, mi-angkon nga ‘naguilty’ siya sa maong hitabo kay namulitika siya. Matod sa kanhi mayor kay kon wala pa niya duphi ang plano og rekomendasyon sa MGB og sa ALQC nga pagbalhinon ang mga residente, gamay ra unta ang mangamatay.

Sukad niadtong 2007, nagpahigayon na og inspeksiyon og assessment ang taga MGB sa maong lugar og morekomendar na sila og relocation sa mga apektadong lumolupyo. Apan wala mohimo og lakang si kanhi Mayor Chiong kay naluoy siya sa lumolopyo. Tiaw karon. So, angayan usab natong basulon ang LGU sa Naga. Gumikan lsa pulitika.

Ang MGB sab mi-ingon nga mipadangat na sila og rekomendasyon sulod sa pipila ka higayon nga i-relocate ang nga apektadong lumolupyo. Apan wala paminawa ang ilang mga rekomendasyon. Wala nila ma-inspeksyon ang Sindulan gumikan kay walay request. Walay request sa ilang kagaral. Layo ba nang Tagatay ug Sindulan.