Lee mipadaog sa Magnolia

Ningmugna og krusyal nga mga puntos sila si Justin Melton ug Paul Lee aron agakon ang Magnola Pambansang Manok Hotshots ngadto sa kutas nga kadaugan batok sa San Miguel Beermen, 109-108, sa main game niadtong Dominggo sa Philippine Basketball Associaton (PBA) Governor’s Cup sa Araneta Coliseum.

Naggukod ang Hotshots og upat ka mga puntos, 104-108, sa himatyong segundos dihang nagpabuto og three-point bomb si Melton unya gisundan kini og jumper ni Lee aron ilugon ang kadaugan.

Sa kadaugan, ang Hotshots nakakuha og bahin sa ikaduhang luna dala ang 4-1 nga rekord kauban ang Blackwater Elite.

Ang Beermen, nga nasugamak sa 2-3 nga baraha, nakaangkon sa ikaduha nilang sunodsunod nga kapildihan taliwala sa kabangis nga gipakita bag-o nilang import nga si Kevin Murphy, kinsa nagpakatap og 37 puntos.

Sa laing duwa, munasginhawa sab nga mingdaog ang Talk N’ Text KaTropa (4-4) batok sa NorthPort Batang Pier (0-6), 104-102.

Puntos matag usa:

1st game TNT (104) - Romeo 25, Blakely 23, Rosario 12, Cruz 11, Pogoy 10, Trollano 7, Garcia 6, Reyes 3, Carey 2 NorthPort (102) - Woods 19, Pringle 18, Tautuaa 18, Grey 18, Anthony 15, Javelona 9, Taha 4, Guinto 1 2nd game

Magnolia (109) - Lee 28, Travis 18, Sangalang 16, Melton 12, Dela Rosa 10, Barroca 8, Jalalon 5, Ramos 3, Simon 3, Gamalinda 2, Reavis 2, Brondial 2

San Miguel (108) - Murphy 37, Standhardinger 27, Lassiter 14, Santos 8, Nabong 6, Ross 6, Cabagnot 4, Heruela 3, Pessumal 3.