Giunsag eskapo

Duha sa gituohang mga biktima sa summary execution kagahapon sa kaadlawon nakaeskapo gikan sa mga tawo nga buot mopatay kanila.

Hugot nga gibantayan sa kapulisan sud sa pampublikong tambalanan sila si Antonio Ruiz-Bilandes, taga Barangay Mambaling, siyudad sa Sugbo, ug Sharmaine Pural, 26, taga sityo Abocado, Mambaling.

Nanghimakak usab si Police Regional Director Debold Sinas nga mga pulis ang nibuhat niini.

Sa interbyu sa sibyaanang dyAB, si Bilandes niasoy nga gi

hire siya ug ang usa niya ka kaubang drayber og babaye nga nagpahatod sa usa ka condominium sa Banawa, Guadalupe mga alas 5 sa hapon sa Miyerkules.

Human makakanaug ang mga pasahero ug nakaplete, dunay sakyanan nga niabot nga giluwanan og labing minos upat ka wa mailhing mga tawo.

Bisan wa mag uniporme, nagduda siyang kini mga pulis.

Siya nitug-an sa mga tigbalita nga gi pick up siya sa usa ka chief Bautista ug sir Abella nga gituohang pulis ug gipasakay sa usa ka puti nga van nga gibinaklid paggapos ang mga kamot ug gipangtabunan ang ilang mga mata.

Gidala sila sa usa ka dapit ug paglabay sa pipila ka oras, gipasakay na usab sila og sakyanan dayon gidala sa Ayala Heights, sa Barangay Malobog.

Samtang nagdagan ang van, iyang naputol ang cable tie nga gapos samtang natangtang sab niya ang taptap sa mga mata.Dihang sila gipakanaug, dali siyang nikaratil sa pagdagan ug nagligidligid, apan natapsingan ang iyang wala nga kilid.