P179 bilyones wala magamit sa DepEd

Moabot sa P179 bilyones ang wala magasto nga pundo sa Department of Education alang sa pagpatukod og mga lawak saringan sa mga publikong tunghaan lukop nasod sa nangaging tulo ka mga tuig sugod niadtong 2015.

Kini ang gipahibawo ni Evelyn Nacario-Castro, chairman sa social development committee sa Regional Development Council (RDC) sa Central Visayas atol sa ikatulong full council meeting niini kagahapon sa Sierra Hotel, dakbayan sa Dumaguete.

Niini, ang RDC 7 nipalabang og resolusyon nga naghangyo sa

central office sa DepEd nga ikonsiderar ang pagpangita og paagi aron mapaspasan ang pagpatuman sa pagpatukod sa mga lawak saringan nga gipundohan apan wala pa masugdan.

Sa maong tigom, si Nacario, director sa Research, Program, and Organizational Development Project Management Office sa Metro Cebu Development and Coordinating Board (MCDCB), kinsa kadali nahimong emosyonal, nga nipahibawo nga moabot pa sa 80,000 ka classrooms ang backlog nga tukoronon

sukad niadtong 2015.

“Makapanlimbawot balahibo ba, Sorry ha but I’m very emotional because these could have really

help,” padayag ni atol sa tigom. Niadtong 2017 lang, matod niya ang DepEd nigasto lang og 30 porsyento sa ilang budget alang sa pagpatukod og mga classroom, nga nagpasabot nga P76 bilyones sa ilang budget ang wala magasto nga alang unta sa konstruksyon sa 15,000 ka lawak saringan.