Viewing deck bag-ong atraksyon sa Mandaue City

Bag-ong atraksyon sa Mandaue City nga viewing deck ang planong ipatukod sa kagamhanan sa dakbayan sa gipahigayong groundbreaking ceremony niini niadtong Biyernes sa buntag.

Gipangulohan sa Mandaue City Government, Department of Public Works and Highways, Mandaue Chamber of Commerce and Industry, Matimco ug ang Viscal Foundation ang kalihukan.

Ang Butuanon river – pilot area viewing deck itukod subay sa Butuanon river isip bahin sa rehabilitation plan niini nga gisugdan niadtong tuig 2016.

Matud ni Mandaue City Mayor Luigi Quisumbing nga ang viewing deck mukantidad og P2 milyones nga gipundohan sa mga kaubang pribadong kompanya sama sa Viscal Foundation ug Matimco.

“With regards to the budget to the city, it costs nothing. This initiative is purely donated by private sectors,” pahibawo ni Quisumbing.

Dugang ni Quisumbing nga ang tumong sa gipahigayong kalihukan mao ang pagpakita sa katawhan pinaagi sa itukod nga viewing deck, nga nagkinahanglan og pag-atiman ang atong mga sapa sama sa Butuanon river.

“Its a viewing deck, we needed an area because of the Butuanon river where people can see the general condition of the river in an easy to access manner,” matod ni Quisumbing

Pagpangandam usab ang araksyon nga gilaumang mahuman sa unang semana sa Nobiyembre alang sa umaabot nga 4th International River Summit karong November 22 – 24 ning tuiga.

“Since we are hosting the river summit kinahanglan man gud nga dunay gamay nga area kun asa makabisita ang atong mga delegates,” dugang ni Quisumbing.

Matud ni Mandaue City Vice Mayor Carlo Fortuna nga dakong lakang ang maong kalihukan alang sa kalambuan sa Butuanon river.

“Today is a very momentus oppurtunity for the city of Mandaue as we take the first step to change the life state of the Butuanon River, ” padayag ni Fortuna

Gilaumang magpamatngon ang viewing deck sa katawhan sa di pagpasaga og labay og basura sa mga sapa.

“The entire intention of this is to bring awareness of hopefully positive change and development for the butuanon river,” matod ni Quisumbing.