Kinamrasay ni Duterte ug Sereno
Nagsugod sa dihang unang gibutyag ni Pres. Rodrigo Duterte nga mga huwes nalakip sa 159 nga protektor sa drugas. Miulbo ang kaspa ni Chief Justice Ma. Lourdes Sereno nga bugtong ang Supreme Court lamang ang makasilot sa malapasong sakop sa judiciary.
Nag-onido sa dihang impeachment batok Sereno gipasaka nila ni Atty. Dante Jimenez ug Lorenzo Gadon nga giduso nila ni House Speaker Pantaleon Alvarez ug Deputy Speaker Gwen Garcia. Salaod nga culpable violation of the constitution, corruption ug betrayed the public trust. Kalabot sa pagpaluyo sa CA nga makapiyansa ug isibog ang kaso sa Ilocos 6, pag-usab sa dokumento sa korte lakip na sa TRO sa 2013, pagkagastador sa salapi sa gobyerno, 1.9M pesos pag-istar og tulo ka adlaw sa Shangrila-Boracay sa 2015, gipugngan ang survivor benefits usa na kang anhing CA Justice Jose Colayco, pagtamper sa resolusyon nga giumol ni Associate Justice Teresita Leonardo de Castro, paglangay sa DOJ request pagbalhin sa husay batok sa Maute group gikan sa Cagayan de Oro-RTC ngadto sa TaguigRTC, 15M pesos professional fee sa Piatco Case nga wala sa SALN, walay klaro nga SALN sa tenure sa UP nga naka-file lamang og SALN sa 2009, 2010 ug 2011 apan napakyas sa 11 ka higayon.
Nalantawan nga ma-impeach si Sereno mi-file og wellness leave pangandam sa pag-atubang sa kongreso. Gawas sa impeachment si Sol-Gen Jose Calida misangat og quo warranto petition pag-inbalido sa pagkatudlo ni Sereno kay wala makaduso og husay sa iyang SALN sa professor pa sa UP. Mayo 11, 2018 gipalagpot si Sereno sa 8-6 botos sa maong petisyon.
Milaban ni Sereno sila Reps. Edcel Lagman, Tomas Villarin, Gary Alejano ug Teddy Baquilat Jr. pinaagi sa pagsang-at og impeachment ngadto sa buhatan sa Solgen batok sa miboto sa quo warranto petition nga sila si Associate Justices De Castro, Diosdado Peralta, Lucas Bersamin, Francis Jardeleza, Andres Reyes Jr., Alexander Gesmundo, Noel Tejam ug wala ilakip si Samuel Martinez kay kanhi associate justice. Gipasikad nga kalapasan sa Art. 6, Sec. 2 sa 1987 constitution nga mapalagpot lamang ang chief justice pinaagi sa impeachment. Apan ang kongreso mibasura sa impeachment batok ni de Castro ug kaubanan kay insufficient in form.
Agusto 25, 2018 gipugnit ni Duterte si de Castro nga hulip ni Sereno kay nila ni Bersamin ug Peralta. Tindig Pilipinas misaway ni de Castro nga ang iyang pagkatudlo maoy bugti sa kusganong pagpalagpot ni Sereno ilabina nga moretiro na ning Okt. 2018. Kinsa kahay ipuli ni de Castro? National Union of Peoples Lawyer mihagit ni de Castro pagpakita sa iyang katakos sa mubong panahon sa bag-ong tahas. (csa_1156@yahoo.com/09064648954)