Dili mahimutang

Dear Papa Joe,

Tawga lang kog Smith Scott, 18 years old, usa ko ka lesbian Ang akong suliran bahin sa usa ka tawo nga in love kaayo ko niya, Papa. Kami kami ra gihapon edara pero ngano ma ni, Papa, dugay na kaayo mi gabuwag mga two months.na. Ako man gihatag tanan niya akong gugma niya more than my family. Mas giuna pa nako siya kay sa akong parents, Papa Joe. Happy man gud ko kon kami kaubana.

Pero ngano? Wa ko kasabot sa pagbulag namo. Happy man unta amoang relasyon pero ako, di ko kahimutang nganong nagbulag mi. Unsay rason nga wala man gipersonal ang pagbulag namong duha? Palihug tambagi ko.

SMITH Smith,

Bata pa kaayo mo since pareho ra mo og edad. Makaingon ko nga di pa gyud mo ing ana ka mature modala og relasyon. Di sad ko mo ingon nga basin nakamata siya sa kamatuoran nga lesbian ka pero dako og posibilidad kay naa bayay mga tawo nga nag alirong niya nga pwede makaimpluwensya sa iyang mga akyson ug desisyon. Basin gitagaan ba ron niya og kabug-aton ang pag-undang sa inyong relasyon kay mas bug at ang gusto sa iya ba rong ginikanan nga di gusto anang relasyuna o ba kaha plain and simple nakadiskobre siya og lain, mahimong pure nga lalake o tibo gihapon nga apple of the eye niya karon.

Ako lang nimo mao na man gyud na ang imong pagbati nga mopitik sa sama nga babaye, ayaw lang sad og dali dali pangitag lain kay makaplagan ra nimo ang para imo puhon. Pure man gani nga lalake unya hitsuraan pa, di man gani kauyab dayon. Mao nga huwat lang gyud sa tamang panahon.

PAPA JOE