Pulitiko gipatay tungod sa pulitika?
Morag delikado man. Kay samtang nagkaduol ang filing sa certificate of candidacy (COC) duna nay mga pulitiko ang nangatumba.
Sa Pampanga gipatay ang konsehal sa dihang mipahibawo nga magpapili sa pagka bise mayor alang sa 2019 midterm election.
Nahitabo sab kini didto sa Samar, dihang giambusan ang kanhi mayor nga nagpahibawo nga mobalik sa pagdagan.
Nakalingkawas hinuon sa delikadong kahimtang apan namatay ang iyang bodyguard. Sa ato pa, niingon niini ka delikado ang pulitika karong panahuna.
Samutan pa nga gitangtangan sa ilang pulis bodyguard ang mga pulitiko. Dunay pulis apan usa nalang ka buok.
Mibati og kabalaka ang pipila ka mga pulitiko sa panghitabo. Dungan sa kabalaka nga tingalig ang di kaalyado sa administrasyon ang mahitado.
Di na gyud ni mahunong ang pagpatay kay gisugdan sa kampanya batok sa illegal nga drugas nga gibasol ug gipasangil ngadto sa kapulisan.
Apan ang kapulisan mibutyag nga ang pagsakay sa sendikato nga gituhoang suspek sa pagpatay sa mga suspek sa drugas.
Sa pulitika , delikado sab sakyan sa ilang kontra nga moresulta sa pinatyanay. Ang hinungdan nag-ilog sa gahum tungod sa kahakog.
KOMENTARISTA SA RADIO UG PULIS
Mikatap karon ang balita sa pagsaka sa kapulisan ug radio station aron sa pagkuha ug hulagway sa mga radio commentator.
Kon kini tinood ngil-ad kini alang sa hut-ong sa kapulisan bisan pa man ug ilang himoong rason nga kabahin sa community service relations.
Kay ang tan-aw ra ba sa kadaghanan usa ka matang sa paghulga sa kagawasan sa pagpanibya.
Apan ang kanunayng mag Facebook Live sa radio program sama kanako wa na kinahanglana nga adtuon sa sibyaanan asa ko magsibya aron kuhaan ug picture . Screenshot nalang ang picture
Apan ang mga kauban kanamo sa pagpanibya mao tingali ang tuyo kay mitago man sa estasyon kay di man mag FB Live.
Di lang tingali gusto madunggan sa kadaghanan ilabi na sa mga pulitiko ang pontarya sa ilang mga komentaryo.
Dakong bintaha Sa Facebook Live kay daghang makakita ug makadungog . Kon makauyon sa paagi sa komentaryo ila kang sundan sa pagpaminaw.
Akong punto wana kinahanglana sa pagkuha ug hulagway sa mga komentarista sa radyo. Among katungod ang konstraktibong komentaryo sa mga isyu nga naglambigit sa kapulisan ilabi na sa isyu sa pagpatay sa mga durugista.
Email: efrenlonzon71@gmail.com Text : 09235562777