Ang BMS Group ug ang Shortcut Group

Nagakaduol ang adlaw nga gitakda alang sa pag-file sa Certificate of Candidacy (COC), nagakadaghan sab ang mga intriga sa mga politiko.

Buyno, normal na kini nga mahitabo og dili na angay ikatingala pa.

Dunay laing bibo sa politika og mao kini ang CONA.

Ang certificate of nomination and acceptance (CONA) nagmatuod nga ang usa ka kandidato gipili sa usa ka rehistradong partido og gihatagan og katungod sa pagdala sa ngalan sa partido sa panahon sa piniliay.

Importante ang CONA kay kon way CONA nga i-attach sa COC, mamahimong Independent candidate ang usa ka kandidato.

Unsay bibo sa CONA?

Nag-ilog karon ang mga politiko nga makakuha og CONA. Nag-ilog usab ang ubang politiko nga maka-issue og CONA sa ilang distrito o probinsiya.

Adto kita sa maka-issue og CONA.

Inilog karon ang mga partido nga dagko sama sa PDP-Laban, NPC, NP, NUP, PMP, UNA, Lakas-NUCD ug LP.

Labi na gyod ang PDP-Laban kay mao kini ang partido sa Presidente sa panahon sa piniliay sa 2016 og daghan ang nagtuo nga mao kini ang administration party.

Nindot paminawon sa usa ka mayor o gobernador nga makakuha og CONA gikan sa PDP-Laban.

Kadtong dili kakuha og CONA sa PDP-Laban, adto na lang mangayo og CONA sa mga partido nga kaalyado sa PDP sama sa NPC, UNA, PMP og NP. (Ang kinatibuk-ang lindog ni Atty. Diputado mabasa sa https://www.sunstar.com.ph/article/1768325/ Superbalita-Cebu/Opinyon/Diputado-AngBMS-Group-ug-ang-Shortcut-Group

Kadtong mga kaalyado sa LP, mahimo sab nga mokuha og CONA gikan sa NUP o Lakas.

Dunay dakong problema ang pag-issue og CONA sa PDP-Laban.

Sa pagka-karon, dunay duha ka grupo nga PDP, kadtong nakaapil og basic membership seminar (BMS) ug kadtong shortcut lang pinaagi sa grupo nga gipangulohan ni kanhi Speaker Pantaleon Alvarez nga deretso lang nga mipataas sa ilang wala nga kamot og mihural bisan way BMS.

Kinsa man sa duha ka grupo ang mo-issue og CONA?

Siyempre, kadtong dunay BMS gusto nga sila. Kadtong mga automatic sab nga mga PDP gusto sab nga sila.

Naglibog si Senador Koko Pimentel mao nga tua sa ka Committee gihatag ang tahas sa pag-resolbar sa maong problema.

Ang nahitabo, migawas nga si Sec. Al Cusi sa DOE ang gihatagan og katungod sa solbad sa maong problema.

Daghan sa mga probinsiya karon ang nagka-problema, apil na niini ang lalawigan sa Bohol ug ang Cebu.

Sa Cebu, dunay matawag og BMS group og duna sab grupo nga matawag og “shortcut group.”

Mao usab kini ang nahitabo sa Bohol.

Unsay solusyon sa PDP national?

Walay hatagan og katungod sa pag-issue og CONA. Bugtong ang National PDP ang mag-issue og CONA sa mga kandidato para senador, kongresman og mga gobernador.

Kadtong ubos nga posisyon sa gobernador apil ang mayor