Padigo padunot

Dear Papa Joe,

Tagua lang ko sa ngalan nga Tara, taga Consolacion, 34 na ang, minyo sa usa ka seaman.

Naa na mi anak nga 5 years old. Sa una, kining akong bana everytime nga mauli siya sa Pilipinas, maora gyud ni siya og iro nga way kaon kon sa kama na ang hisgutan. Padigo pandunot iyang style, pero karon dako na kaayo ang kausaban kay ako na mismo ang mangablit niya kay siya mura lang og wala, pero nisabot ra ko niya kay tagsa ra baya mi magkauban unya mahulog lang unya nga mag away. Pero di gyud nako malikayan nga makapangutana ko sa kaugalingon kon love pa ba kaha ko ani niya or dili na kay murag di na man siya ma turn on nako nga in fairness sexy pa man kokay pangandaman man gyud nako ni siya.

Ang edad sa akong bana 41 na diay. Palihug tambagi ko kon unsa ang akong buhaton.

TARA Tara,

Una sa tanan, maayong adlaw kanimo. Nakasabot ko sa imong gibati pero di angay nga mag advance ka sa imong hunahuna nga basin wala na siyay love nimo.

Well, pwede tinuod kana, pero naa pay laing factor nga nagpaluyo niana. Basin naay dakong problema ang imong bana nga di niya masulti nimo kay naa siyay kahadlok sa mahimo nimong reaksyon. Basin dako ang iyang problema sa trabaho o naa ba siyay kontra sa trabaho, wala ta masayud.

Basin sad og nahilambigit siya sa lain nga may sakit ug hadlok siya nga matakdan ka mao nga di siya moduol nimo o sakit nga din a siya ka perform like diabetis nga ni complicate sa iyang performance. Mas maayo nga makig estorya ka niya nga heart to heart. Basin kaning tanan nga akong gisulti nimo sayop. Busa mas maayong mag estorya mong duha . PAPA JOE

(sa inyong tampo ipadala lang sa papajoesuperb@ gmail.com)