Suerte, Menina mangulo sa Cesafi All-Star teams

Pangulohan nila ni Darell Shane Menina sa University of Cebu (UC) Webmasters ug Rey Suerte sa University of the Visayas (UV) Green Lancers ang mga puwersa nga magkombati sa Cebu Schools Athletic Foundation Inc. (CESAfI) All-Star Game college division nga gikatakda karong Oktubre 14 sa Cebu Coliseum.

Sa drafting kagahapon sa Cebu Coliseum, si ex-PBA superstar Dondon Hontiveros, kinsa maoy assistant coach sa Webmasters, mipili kang Menina isip labing unang naapil sa Team Fajardo.

Sa iyang turno, si UV Green Lancers coach Gary Cortes mipili kang Suerte isip labing unang magduduwa nga nahisakop sa Team Slaughter.

Ning tuiga, ang All-Star teams gisunod sa pangalan sa duha ka mga higante nga produkto sa CESAFI nga sila si JuneMar Fajardo sa Webmasters ug Greg Slaughter sa UV Green Lancers, kinsa pulos na nakakulit og dagkong pangalan sa Philippine Basketball Association (PBA).

Nahilakip sa unang lima nga gipangpili Hontiveros alang sa Team Fajardo mao sila si Ralph Dinolan sa University of San Jose Recoletos (USJ-R) Jaguars, John Reel Saycon sa University of San Carlos (USC) Warriors, ug sila si John Jabello ug Justine Dacalos sa Webmasters. Mokompleto sa Team Fajardo mao sila si Reeve Ugsang ug William Polican sa Southwestern University (SWU) Cobras, Peter Codilla, Paul Galinato, Joven Tagudin ug import Frederick Elombi sa Webmasters, Kenny Rogers ug Mark Kong sa Cebu Institute of Technology University (CITU) Wildcats, John Ubalde sa Jaguars, ug Rodelio Cauba sa University of Southern Philippines (USPF) Panthers.

Naapil sa unang lima nga gipangtudlo ni Cortes alang sa Team Slaughter mao sila si Jancork Cabahug ug Gileant Delator sa UV, Jaybie Mantilla sa USJ-R, ug Shaqulle Imperial sa SWU.

Ang ubang mga sakop sa Team Slaughter mao sila si Jafet Claridad, Ubert Villaceran, ug Jiezel Taroza sa Green Lancers, Elmer Echavez, Miguel Gastador ug import Tochukwu Ewenike sa USJ-R, Red Cachuela sa SWU, Jessie Aloro ug Kevin Oleodo sa CITU, ug Roy Quiachon sa USPF.

Aduna sab gipormang All-Star teams alang sa high

school division nga ginganlan og Team Tallo ug Team Desiderio nga gisunod sa pangalan sa kanhi dekalidad nga high school players sa liga nga sila si Mark Jayven Tallo sa SWU Baby Cobras ug Paul Desiderio sa UV Baby Green Lancers.

/ JUN MIGALLEN ■ OLYMPIAN: Ning maong hulagway, makita ang mga simbolo sa nahakot nga mga kalampusan ni Olympian Mary Joy Tabal (tunga) sa iyang pagsalmot sa Milo Marathon gikan pa kaniadto. Mitabang kang Tabal sa paggunit sa iyang mga medalya ug tropeyo sa lumba mao sila si race organizer Ricky Ballesteros (wa) ug Milo sports executive Lester Castillo.