EDDIEGUL GIATAKI?

Sibaw ang hugonhugon nga si Mayor Eduardo Gullas sa dakbayan sa Talisay giatake, apan dali kining gihimakak sa pamilyang Gullas.

Si Kongresista Gerald Anthony “Samsam” Gullas sa 1st District sa probinsiya sa Sugbu, daling midepensa sa iyang apuhan pinaagi sa Facebook.

Sumala pa ni Samsam, walay

kamatuoran ang mga balita nga nangawas o fake news kini gikan daghang Facebook accounts.

Sumala niya nga wala mamild stroke ang iyang apohan ug makita sab sa mga transaction sa City Hall nga mao gihapoy tigpirma. Gawas niini, nagpabiling himsog ug magpapili sab kini isip kongresista sa 2019 election. ”Hangyo lang unta ko sa among mga kaatbang sa politika, instead of throwing fake news and false accusations,

ipahibawo ang Talisaynon sa inyong platform of government, unsa inyong mga plano para sa Talisay and most importantly what have you done for Talisay.mas ganahan pa mi maminaw ana instead of fake news,” matod ni Samsam sa iyang Facebook account.

Ang hugonhugon nitumaw human panagsa na lang makit-an sa City Hall ang mayor.

Gawas niini, nadawat sab sa Superbalita Cebu nga sama sab, si Bise Mayor Allan Bucao maoy nagpadagan sa dakbayan sanglit panagsa na lang ang mayor makita sa iyang buhatan, butang nga nakapatingkag sa dunggan sa mga lumolupyo sa Talisay nga nagluya ug hinay na ang mayor.

Duna say migawas nga post sa Facebook nga si Gullas gitambagan sa iyang doktor nga moretiro na sa pulitika apan giisip gihapon kini sa pamilya nga fake news.

Karong Sabado, Oktubre 13, maoy ika-88 nga adlaw’ng natawhan.

Samtang, gipahibalo sa Alayon party ang line-up: Samsam isip mayor, vice mayor si Bucao ug mga konsehal sila si Soc Fernandez, Rodi Cabigas, Jojo Bacaltos, Teban Daan, Maning Cabriana, Gail Restauro, Ricky Aznar, Fe Ylanan, Yehyen Bucao ug Ferdie Rabaya.