Suspensiyon sa bisita sa 9 ka selda sa CPDRC gilibkas

Gilibkas na ang suspensiyon sa dalaw sa mga piniriso sa siyam ka mga selda sa Cebu Provincial Detention and Rehabilitation Center (CPDRC), nga nakuhaan ug drugas sa Greyhound operation niadtong sayong bahin sa Septiyembre.

Apan gitug-an ni CPDRC Warden Reynaldo Valmoria nga dunay lima ka mga piniriso gikan sa maong siyam ka selda ang dili gihapon makadawat ug mga bisita human sila gipaubos sa medium security, nunot sa ilang pag-angkon nga ila ang drugas nga nasakmit.

Matod ni Valmoria ang pag-angkon sa maong mga piniriso maoy naka-aghat kaniya nga libkason na ang suspensiyon sa dalaw sa ubang piniriso nga dili sad-an.

Sigun sa warden, ang pagsilot sa mga piniriso nga sad-an kabahin sa iyang pagpanglimpyo ug pagpatuman ug disiplina diha sa provincial jail.

Sa laing bahin, gitug-an ni Valmoria nga duna na’y inisyal nga resulta ang imbestigasyon sa Guadalupe Police Station labot sa pagbanhig-patay sa duha ka mga jail guard ug usa ka piniriso sa CPDRC niadtong Septiyembre 13.

Matod niya, duha ka mga tawo ang gitan-aw nga persons

of interest sa krimen.

Ang CPDRC usa ka bilanggoan nga gipanag-iya sa kagamhanan sa lalawigan sa Sugbo.

Ang mga kawani usa niini gipang-hire ubos sa budget sa Kapitolyo, dili gikan sa Bureau of Jail Management and Penology (BJMP).

Ang naasoy nga bilanggoan nahimong kontrobersiyal tungod sa paglusot sa mga kontrabando apan naila sa iyang dancing inmates.