Organized crime group?

Organized crime group maoy gitutokan karon sa mga tinu yanan sa balaod nga maoy mipatay o mimasaker sa lima ka mga tawo didto sa Barangay Malubog, dakbayan sa Sugbo usa ka semana sumad karon. Mismo si Chief Supt. Debold Sinas, ang Police Regional Of ice (PRO) 7 director, maoy mipasumbingay niini ug sa samang higayon, mipasabot nga systematic ang paghimo sa maong krimen.

Sa ila unya kunong imbestigasyon, matod niya, nga mailhan ra nila ang mga suspek ug ang mga koneksiyon niini.

Dugang niya, ang usa sa duha ka mga survivors, nga si Antonio Belande, ang andam mokooperar sa mga imbestigador alang sa reenactment sa dihang siya gidagit gikan sa Banawa ug hangtod nga nakaeskapo siya didto sa Malubog.

Ambot kon sa unsang paagi nga ang reenactment makaestablisar ba nga organized crime group ang naghimo sa maong krimen.

Sa unang interview sa mga media, mismo si Belande adunay nalitok nga mga pangalan o pulong nakapaduda nga may kalambigitan ang mga pulis sa linuog nga pagpatay sa lima.

Ang laing survivor nga babaye nga si Sharmaine Poran, kinsa gikataho nga gikustodiya karon sa religious group, hugtanon usab nga mitug-an sa mga imbestigador sa Commission on Human Rights 7 nga aduna yuy kalambigitan ang mga pulis.

Giangkon si Poran nga niadtong gabhiona, kakunsabo siya sa pagdeliver sa gidiling drugas ug labing siguro kadto maoy igong rason kon nganong gidakop sila sa mga tinu yanan sa balaod.

Wa man tuod nato isalikway ang posibilidad sa pangagpas ni Sinas nga organized crime group ang naghimo sa ingon, pero nganong dili man unahon sa pagtino ug kon unsa katinuod kining gipangbutyag sa duha ka mga survivors?

Kinsay nasayod nga anaa ra dinhi ang katinuoran. Di ba, General Sinas, Sir?