Mga estudyante nga wa kabayad gipakauwawan

BALAY-BALAY, TUBIG-TUBIG Children's Legal Bureau (CLB)

Dear Atty. Joan,

Maayong buntag. Ako diay si Lilah, 15 anyos og usa ka Grade 9 student na nag-eskwela sa usa ka pribadong eskwelahan.

Naluoy dyud kaayo ko sa ako classmate nga itago lang sa pangalan na Ruth. Kadtong pag-1st grading exam namo, gipagawas siya sa amo maestra kay wala pa kuno siya kabayad sa amo tuition fee.

Niingon among maestra nga apil daw sa polisiya sa amo eskwelahan na kung dili makabayad sa tuition fee kay adto daw mag-exam sa amo basketball court ug isulti kini kadala lapas atubangan sa classroom.

Tuod man, ngadto sila mag-answer sa ila exam para mahibaw-an na wala pa sila ningbayad. Para sad ni na maghunahuna na daw ang mga ginikaan og bayad aron di mauwawan ang ila anak.

Pagkahuman sa amo nga exam kay ning-estorya sa akoa si Ruth na ganahan na daw siya moundang og eskwela kay nauwaw siya na nahibaw-an sa tanan na wala sila kabayad sa tuition. Karon sad kay gisungog na siya sa amo mga classmate.

Atty. Joan, sakto ba ni ang gibuhat sa eskwelahan? Sakto ba ni ila polisiya?

Salamat.

Lilah

Dear Lilah,

Dakong sayop to ang gibuhat sa eskwelahan kay ang ila gibuhat kay nakalapas man sa ato balaod sa RA7610 o ang CHILD ABUSE LAW. Ubos sa ato balaod, usa ka sakop sa Child Abuse kay ang mga akto og pagsulti na nagkorap, nagpahiubos, nagpakaulaw og nagdaut sa dignidad og bili sa usa ka bata isip tao.

Ang pagpalahi sa mga estudyante na pagkuha sa exam para maulawan ang usa ka bata og mapugos og bayad og tuition ang iya ginikanan para di na maulawan ang iya anak kay usa ka buhat na nagpakaulaw sa dignidad o bili sa bata isip usa ka tao.

Ang polisiya sa eskwelahan kay maingon nato na sakop sa mga akto sa pag-abuso sa usa ka bata kay base sa imong saysay, kini gibuhat para makapaulawan ang mga bata nga wala makabayad. Sa imo pa ganing isulti, grabeh jud ang apekto iini kang Ruth kay dili na kini siya ganahan mueskwela ug gina-bully na pod.

Tungod niini, maingon nato nga pwede gayod mapasakaan ug kaso ang maestra nga nagapakauwaw ni Ruth, ug ang eskwelahan kung tuod man nga ang polisiya anaay klaro nga tumong sa pagpakauwaw ug pagpakaubos sa dignidad sa bata.

Atty. Joan

Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimong mo-message sa Facebook account sa CLB, Inc.