HARDEN, ROCKETS MITIPI SA SHARKS

Mipahagsa og 37 puntos si James Harden sulod sa 30 minutos, aron giyahan ang Houston Rockets sa paglubong sa Shanghai Sharks, 128-86, sa preseason game sa National Basketball Association (NBA).

Sa 18 niya ka field goal, 13 niini iyang napasulod, lakip ang siyam sa ka tres sa 14 ka attempts. Aduna usab siya siyam ka assists.

Midugang og 22 puntos si PJ Tucker nga gilamasay og unom usab ka triples.

Nangulo sa Sharks si Jimmer Fredette nga mipunpon og 41 puntos, siyam ka rebounds ug tulo ka assists.

Si Scola, ang kanhi sakop sa Rocket, mitapos sa duwa nga may 18 puntos ug 12 ka rebounds.

Sa first half pa lang daan ang Rockets aduna nay 17 ka tres. Sunod sulngon sa Rockets ang Memphis sa Biyernes (Sabado sa Pilipinas).

Sa laing panagsangka, mipakli og 16 puntos si Deonte Burton, apil na niini ang goahead nga three-pointer sa overtime, ug ang host Oklahoma City Thunder mipatapsing sa Bucks, 119-115, kagahapon.

Si Paul George nga miduwa lang sa first half, nakakolekta og 26 puntos.

Si Christian Wood mitali og 19 puntos ug milangkat usab og 15 ka rebounds alang sa Bucks.

Wa moduwa ang star player sa Thunder nga si Russel Westbrook. Mobisita ang OKC sa korte sa Golden State karong Martes alang sa pagsugod sa regular season.

Ang Los Angeles Clippers mipukan usab sa Denver Nuggets, 109-103. Si Danilo Gallinari mitipon og 16 puntos sulod sa 20 minutos alang sa Clippers samtang si Trey Lyles mihagpat og 15 puntos, 10 ka rebounds uglima ka assists alang sa nitidlom nga Nuggets.