Palagpoton si Duterte

SuperBalita Cebu - - SUPER BIRADA - Cesar S. Albor (csa_1156@yahoo.com / 09064648954)

Bahad nga Red October pagpalagpot ni Pres. Rodrigo Duterte nga i-atol sa international communism sa mga walhon. Napakyas sa Sept. 21 kay kuwang og suporta sa mga sektor. Mangulo sa maitom nga laraw ang CPP-NPA-NDF, Sen. Antonio Trillanes, Dilao, Tindig Pilipinas ug Movement Against Tyranny. Idungan sa mga union sa lain-laing kompaniya nga ilusad ang lihok-protesta pagpasira sa industriya pagpiang sa ekonomiya sama sa nahitabo sa Nutri-Asia sa Marilao, Bulacan. Kon mahinayon ang tinguha pagpukan sa administrasyon posibli nga iproklamar ang martial law, isunod ang revolutionary govt. nga maoy dalan padulong sa federalismo. Daan nang mipaslang ni Duterte ang Makabayan, Akbayan, Magdalo, kadagkoan sa LP, druglords ug sa mga nalambigit sa drugas. ILLEGAL DRUGS Unang naukay ang drugas sa 2001 nga inbestigasyon sa House committee on dangerous drugs ni Rep. Tony Cuenco. Nahugno si Cuenco sa DOJ, NBI ug PNP nga napakyas pagkuha og dugang mga ebidensya pagpalutaw sa kamatuoran kinsa gyod nga Peter Lim. Nabanhaw ang kaso ni Lim sa dihang nalakip sa listahan ni Pres. Duterte hangtod nga ang Makati-RTC miluwat og warrant of arrest. Gianunsyo sa DOJ nga 500.000 pesos ang ganti sa makatudlo sanglit nagtago-tago si Lim.

Tinukmod sa tiunay, wagas ug gugma sa pangalagad, si Cuenco nga beterano sa kongreso magpapili pagka-konsehal sa south district, siyudad sa Sugbo aron ipadayon ang pagpalig-on sa kampanya batok drugas aron taposon ang negosyo sa kamatayon. Iya usab nga atimanon ang katukoran sa Cebu City General Hospital sa Kalunasan alang sa mga kabos dugang sa Saint Anthony Mother and Child Hospital sa Basak San Nicolas. Si Cuenco nga 25 na ka tuig sa kongreso iyang gialagaran ang tibuok nasod. Siya ang nagpanday sa Local Govt. Code, Comprehensive Dangerous Drugs Act, Baselines Law, Business Law, Anti-Terrorism Bill ug nakatunol og daghang proyekto ug serbisyo. Gibotohan nga usa sa mga Ten Outstanding Congressmen sa 1967, 1968 ug 1969. Napiling secretary-general sa Asean Inter-Parliamentary Assembly sa 2010-2013. Nakaalagad isip political affairs minister panahon ni Pres. Cory Aquino sa 1986.

Dili igsapayan ni Cuenco ang taas o ubos nga posisyon kay maoy mahinungdanon ang panerbisyo sa nahibilin niyang katuigan. Sama nila ni kanhi Pres. Gloria Arroyo nagkongresista sa Pampanga, Pres. Erap Estrada nagmayor sa Manila ug Rep. Chavit Singson naggobernador sa Ilocos Sur ug karon konsehal sa lungsod sa Vigan. Si Cuenco nga abogado, inilang magsisibya anak ni Gov. Manuel Cuenco ug apo ni Sen. Mariano Jesus Cuenco. Napriso og tulo ka higayon atol sa Marcos Martial Law Regime.

Newspapers in Tagalog

Newspapers from Philippines

© PressReader. All rights reserved.