Tamdanan aron sunog malikayan

SuperBalita Cebu - - SUPER BIRADA - Junrey Nadela

Hilabihan na kainit ang panahon nga atong nasinati sa nakalabay nga mga adlaw. Ang kainit niresulta man gani og mga sakit sakit ilabi na sa mga bata, nag-unang sakit hilanat og ubo.

Tungod gihapon sa kainit sa panahon alerto karon ang atong kabomberohan tungod sa katalandugon sa panahon.

Pun-an pa sa pagpabaya sa uban mao nga di malikayan moulbo ang dakong sunog.

Ang bag-o nga na-promote sa pagka Fire Inspector Jovito Abelgas ang Chief of Operations sa Cebu City Fire Department ug sa samang higayon sub station commander sa Labangon, nipaambit kanako sa mga safety tips nga gitagana alang sa nagsingabot nga kapaskohan.

Atong gidasig ang tanan sa pagpatalinghug sa mosunod nga mga tips:

Palita ang standard Christmas light nga may PS (product standard) mark, kon dinhi ra sa ato gihimo tanawa kon naa bay ICC mark Kon biyaan ninyo ang inyong balay panahon sa Christmas vacation, ayaw kalimot sa pagtangtang sa plug sa mga appliances ug pagsira sa valve sa tangke sa LPG Magmatngon sa gidagkotan nga kandila

Ang mga dekorasyon kinahanglan nga ipalayo gikan sa suga ug init nga butang Ayaw pasubrahi ang load sa socket

Ayaw kalimot nga di gyud mahimong magsagul ang inom samtang nagluto Ayaw biyai ang imong giluto Tamdi kanunay ang mga lagda kon magpabuto o magtago og fireworks Kong nanigarilyo ayaw kalimot sa pagpawong niini sa di pa matulog Susiha ang smoke alarm matag semana

Ang lighter og posporo kinahanglan nga ipalayo sa mga bata

Siguroa nga ang tanang sakop sa pamilya apil na ang mga bisita suheto asa moagi panahon sa emerhensiya.

May gusto lang ko nga ipuno alangsa dinalian nga aksiyon gikan sa mga ahensiya sa gobyerno ug pribadong buhatan.

Palihug pangayo og mga telephone number gikan sa landline ug cellphone sa mga buhatan nga maoy motubag og mga alarma. Mahimo ni nga kuhaon gikan sa inyong barangay hall. Ang maong mga numero kinahanglan nga ipapilit sa bongbong aron makita dayon kon may emerhensiya. Kinahanglan nga ang matag membro sa pamilya suheto sa numero sa cellphone sa ilang kabanay.

Kon mahimo may numero sab mo sa inyong silingan ug sa inyong barangay hall ilabi na ang buhatan sa tanod.

Mga simpli lamang kini nga tamdanan apan mapuslanon kaayo panahon sa emerhensiya.

Sa mga molupyo, ayaw kataha sa pagduol sa inyong bombero bisan asa ninyo sila makit-i kon duna kamoy gustong ireklamo. ilabi na sa may kalambigitan sa kuryente. Sayod na man siguro mo nga usa sa hinungdan sa mga alarma sa sunog mao ang koryente.Ilabi na ang kuryente nga kinawat.

Newspapers in Tagalog

Newspapers from Philippines

© PressReader. All rights reserved.