Wa ka move on

SuperBalita Cebu - - SUPER BIBO -

Dear Noy Kulas,

Ako diay si Edmund, 31 years old. Ang akong patambagan nimo, Noy, parte ni sa akong lovelife nga hangtod karon nag-antos gihapon ko ka sakit.

Nagkauyab mi sa akong ex girlfriend since 4th year high school pa until 25 years old na ming duha. Maayo kaayo ang dagan sa among relationship kay supportive ang among duha ka mga pamilya namong duha. Nag-expect na ang both sides namo nga kami na ang magka forever pero nasayop kay nagkabuwag mi pag 26 years old namo. Nahitabo tingali kay long distance relationship ang amo kay sa abroad siya nitrabaho while ako, nahigot sa negusyo nako. Ako unta siyang gipugngan kay maayo ang dagan sa akong negusyo pero gusto siyang makapundar og iyaha para sa iyang family.

It happened five years ago pero until now, it still hurts a lot. Ni-try na ko og mga relationship pero way epekto. Siya gihapon ang akong love while siya, duna nay pamilya. Duha na gani ang ilang mga anak.

Noy, unsaon kaha nako pag move on no? Galisod ko kay bisan unsaon nako og lipaylipay, mahinumdom gihapon ko sa among happy moments. Can you teach me how to move on?

EDMUND

Edmund,

Akong gi-assume nga at least 10 years mong nagkauyab sa imong ex-girlfriend. Ten years is too long and too difficult to erase. Di na sayon. Naa gani two years lang naglisod pag move on, unsa na kaha nang 10 years. Lisod na hikalimtan.

Usa gud sa mga rason nganong maglisod pag move on ang tawo mao ang constant communication sa mga tawo nga involved sa relasyon, sama sa family members, close friends ug mismo ang gihigugma. Kon nagsige kag adto sa ilaha, contact sa iyang pamilya ug niya, apil na ang inyong close friends, ang pag move on lisod. Maora ka og tawo nga gigapos nga tinuyo ang wa pagbadbad niini. Tungod sab ni, naa deep inside you ang paglaum nga in the end, kamo lang gihapon.

Buhata ni: tell her family nga di ka na moanha sa ilaha kon husto ko sa akong pangagpas. Importante ang pagputol sa communication. Apil na niini ang inyong close friends. Lisod ning buhaton, apan kon gusto kang maka move on, you must fight the urge. Unya get rid sa inyong mga kinuptanan, sama sa pictures ug uban pa. If naa kay Facebook account, i-deactivate lang una.

Kining mga lakang dako kaayo og ikatabang sa imong journey sa pag move on.

NOY KULAS

Newspapers in Tagalog

Newspapers from Philippines

© PressReader. All rights reserved.