CRAWFORD MI-TKO NI BENAVIDEZ
Gitubag og saktong kulata ug wa matagbaw gipaundang pa gyud ni WBO welterweight world champion
Terence Crawford ang baba-on nga challenger nga si Jose Benavidez Jr. sa ilang
title fight kagahapon didto sa Omaha, Nebraska.
Sa ika-12 nga round, usa ka makabungog nga right uppercut sa katapusang 45 segundos sa maong round maoy nitapos sa away nga gisaksihan sa 13,323 ka mga dumadapig sulod sa CHI Health Center sa
hometown ni Crawford. Kon kahinumdoman, si Crawford kinsa wa pa makaangkon og kapildihan sulod sa 34 ka away, nagpakahilom lang sa mga makainit nga pulong ni Benavidez sa mga press conference.
Sa kadaugan, si Benavidez, nga karon nakaangkon na sa iyang unang kapildihan sa 27 ka away) maoy ika-25 nga gi-knockout ni Crawford.
Ang statistics nagpakita nga sa 759 ka mga kinumo nga gibuhian ni Crawford, 186 niini ang solidong miigo o 32% samtang si Benavidez igo lang nakapasulod og 92 ka mga igo sa iyang 501 ka mga sumbag o 18 porsiyento lang.
Sa unang round, maayo pa og gipakita si Benavidez kinsa agresibong miataki ni Crawford ug mipauwan og sunodsunod nga mga kombinasyon.
Apan sa sunod nga mga hugna, dali nga naka-adjust si Crawford sa kaagresibo sa
challenger kinsa ka usa ka higayon mipabarag kaniya.
Nakasukol pa man tuod si Benavidez human kini iphi ni
referee Celestino Ruiz, apan sa dihang gipaarakan kini sa
combinations ni Crawford nabarag kini og balik human maigo sa hook ug didto maabtikon nga gihunong sa referee ang maong away.
Ang Crawford-Benavidez gidalit sa Top Rank Promotions ni Big Boss Bob Arum. “God Bless me this victory, I can’t figure out first, I see him pulling back in the last round,” matod ni Crawford sa ESPN Television.