DAVIDE MO-SLIDE PAGKA BISE GOBERNADOR?

Gobernador Hilario Davide III mo-slide ngadto sa pagka bise gobernador samtang si Bise Gobernador Agnes Magpale ang modagan sa labing taas nga posisyon sa lalawigan sa Sugbo.

Si Davide wa mohimakak o mokompirmar kay mahibaw-an kini karong adlawa sa pagduso sa ilang certificates of candidacy.

Reaksyon kini ni Davide sa mga hungihong kabahin sa iyang pag slide down.

Nisamot pa kini human giuswag ni Davide ang pagduso sa iyang CoC karong adlawa inay unta kagahapon aron magdungan sila ni Magpale.

Samtang mga kandidato sa Sugbo nga dunay certificate of Nomination and Acceptance (CONA) gikan sa Liberal Party (LP), upat lang kabuok.

Kini naglakip kang Davide, 4th district Provincial Board Member Horacio Franco, nga magpasubli sa posisyon; Dalaguete Councilor Sydney Belciña, nga magpapili pagkamayor sa lungsod; ug Aloguinsan Councilor Danny Margallo nga magpapili pagka-bise mayor sa maong dapit.

Sa laing bahin, si Kongresista Gwendolyn Garcia nga maoy

standard bearer sa PDP-Laban dinhi sa Sugbo, niklaro nga kadto lamang mga kandidato kansang CONA pinirmahan ni PDP-Laban President Koko Pimentel ang opisyal nga mga kandidato sa partido sa national ug local level.

Sa laing bahin, giklaro ni

Kongresista Gwendolyn Garcia nga nahusay na ang isyu sa PDP-Laban “breakaway groups o candidates”.

Matod niya, kadtong mga duna’y certificate of nomination and acceptance (CONA) nga pinirmahan sa ilang mga opisyal, pinanguluhan ni PDP-Laban President Koko Pimentel, mao lang ang opisyal nga kandidato sa grupo.

Kadtong mga kandidato nga sakop sa ilang grupo ug magpapili og bisan unsang posisyon apan walay Cona gikan sa partido, hayan di apil sa opisyal nga

line-up sa ilang grupo.

Ang Commission on Elections (Comelec) niklaro hinuon nga ang ilang Law Department lamang ang maka-determinar kon balido ang CONA sa mga kandidato.

Matod ni Cebu Provincial Comelec Supervisor Atty. Lionel Marco Castillano, nga kini tungod kay tua didto gisumitir ang opisyal nga signatories sa matag partido.

Ang mga local nga buhatan sa Comelec, igo lang sa pagdawat sa mga COC ug di mahimong mo-kwestiyon sa unod ug sa mga dokumento nga gi-attach niini. /