Nawong sa lalake daw sama sa lion og porma
Lalake nga may talagsaong medikal nga kondisyon daw sama iyang nawong sa lion apan nausab kini dihang ang mga “plastic surgeons” miusab sa iyang apapangig.
Matod sa taho sa Mirror News nga si Suresh, molupyo sa Tamil Nadu, India, nakaangkon og lion face syndrome dihang nag-edad siyag 18.
Niresulta kini nga niburot ang iyang nawong ngadto sa pwerteng dakoa sa mga nanglabayng katuigan ug wa makatabang kaniya ang mga doktor sa iyang kondisyon.
Ang iyang kondisyon gitumbok nga ang bukong sa iyang nawong nagtubo hinungdan nga daw sama sa lion ang porma sa iyang nawong.
Matod sa taho nga maayo lang kinin kon ang operahan ang mitubo nga bukog ug silsilan kini apan sakit kaayo nga proseso. Sud sa 20 ka tuig, si Suresh anaa sa naasoyng kondisyon ug ang mga doktor nagkanayon nga pangitaan kini og paagi. Apan ning higayon pinaagi kang doktor nga si Sunil Richardson di na siya maila. Matod ni Richardson nga ang pasyente mibisita sa daghang mga doktor sa ilang dakbayan aron matambalan siya apan way midawat niini.
Nitataw siya nga kay pobre man kini nga pasyente gilibre niya kini ug ang tambal ra ang iyang gibayran.
Dihang nahuman ang operasyon, si Suresh, diin ang pangalan niini giusab na nunot sa isyu sa “privacy”, nitumaw nga nausab na ang iyang nawong.
Si Richardson nipasabot nga ang kondisyon sa pasyente resulta kini sa fibrous dysplasia, diin ang normal nga bukog nailisan sa mga connective tissue nga niresulta nga ang mga bukog nihumok unya may kahigayonan nga molapad kini dayon nahimo ang leontiasis ossea kon lion face syndrome. /